اسلام آباد ۔ 29ستمبر (اے پی پی) بنجائی وزیر دفاع خواجہ آصف پارینے کہ بھارت تینا الس و میڈیا ئِ است جم کننگ کن سجفوک ڈٹ آتا رداٹ لین آف کنٹرول آ بلااشتعال سم کاری کرینے۔ احوالی تے جاری کروک آ ویڈیو بیان اٹی اوپارے کہ بھارت سجفوک سازش اسے نا رداٹ نن نیمہ غا چنکا سلہہ غاتے اٹ لین آف کنٹرول نا 5سیکٹرز آ سم کاری کرے ہرانا نتیجہ ٹی 2فوجی ورنا شہید و 9ٹھپی مسر ۔ بنجائی وزیر دفاع پارے کہ پاکستانی فوج بھارتی گولہ باری نا پبی ورندی ئِ تس و ہموانداز اٹ ورندی ئِ تس ہرا انداز اٹ اوسم کاری کرے۔ اوپارے کہ داوخت اسکان بھارت نا طرف اخس مرک آک مسر اوفتا اندازہ اف۔ بھارت تدینگوک آ منہ دے آن تینا الس و میڈیا ئِ است جم کننگ کن کارروائی نا ہیت ئِ کننگ ئِ، ہنداخاطران بھارت سجفوک و سمجھوک اسکیم اسے نا رداٹ کراس بارڈر آ سم کاری کرے۔ اومستی پارے کہ اگہ بھارت لین آف کنٹرول آ سیز فائر کرے تو دُوارہ خلاف ورزی کرے تو بو ز اٹ کنیک۔
