اسلام آباد۔ 29ستمبر (اے پی پی) اقتصادی راہداری ڈٹ انا کیہی سیکشن آتیا کاریم و ڈٹ آ پیش رفت نا بابت سرجم احوال آتے قومی اسمبلی ٹی پیش کننگا۔ خنجراب آن رائے کوٹ 335کلومیٹر سیکشن ژوب۔قلعہ سیف اللہ این 50نا گچینی، قلعہ سیف اللہ ۔مسلم باغ سیکشن 50کلومیٹر، کوئٹہ۔قلات 116کلومیٹر، ہوشاب۔گوادر 193کلومیٹر، برہان۔پنڈی بھٹیاں 293کلومیٹر، پنڈی بھٹیاں۔فیصل آباد53کلومیٹر سیکشن پورو مسنو۔ پنچ شنبے آقومی اسمبلی ٹی وقفہ سوج آتا وخت ساجدہ بیگم نا سوج انا ورندی ٹی پاننگاکہ رائے کوٹ۔تھاکوٹ147کلومیٹر آ 95درسد کاریم پورو مسنے، براہما۔ڈی آئی خان 285کلومیٹر، حویلیاں ۔برہان59کلومیٹر، مغل کوٹ۔ژوب81کلومیٹر ، سراب۔خوشاب449کلومیٹر، فیصل آباد۔ملتان 248کلومیٹر، ملتان۔سکھر392کلومیٹر و حیدرآباد۔کراچی136کلومیٹر نا بشخ جوڑ جاڑ مننگ ئُ۔ خالدہ منصور نا سوج انا ورندی ٹی شیخ آفتاب احمد پارے کہ بھیرہ، سالم و مخدوم انٹرچینج نا کمک اٹ سرگودھا اسکان ہِننگ کیک۔ موٹروے سریس روٹس آ جوڑ کننگ انگ ئِ۔ دیکی روٹ آ ڈی آئی خان، خضدار، کوئٹہ و گوادر اسکان موٹروے جوڑ مریک۔ کے پی آر نا رداٹ ہر ضلع ٹی روڈ جوڑ مننگ ئِ ۔ سرگودھا ٹی روڈآتا پین گچینی کن نن صوبائی حکومت ئِ لکھینہ۔ اوپارے کہ 2018ءاسکان دیکی روٹ انا پوروی کن حکومت پرعزمئِ۔ داموٹروے حکومت تینا سرکاری بشخ انا شونداری پروگرام آن جوڑ کننگ ئِ۔ اوپارے کہ آبادی ٹی ودکی ئِ مون آ تخسا حکومت شاہراہ تے ودفک۔ ساجدہ بیگم نا سوج انا ورندی ٹی شیخ آفتاب احمد پارے کہ اقتصادی راہداری ٹی دا پابندی اف کہ کنٹریکٹ ملکی ئِ یا درملکی ئِ۔ غٹ بڈنگ اٹی بشخ ہلنگ کیرہ۔ اوپارے کہ بہاولپور ئِ انٹرچینج نا کمک اٹ باوری وڑاٹ موٹروے تون منسلک کننگک۔
