اسلام آباد، بلوچستان ہائی کورٹس و فیڈرل شریعت کورٹ اٹی اسہ جج اس ہم دوہری شہریت نا حامل اف، بنجائی وزیر کانود و انصاف

اسلام آباد۔ 29ستمبر (اے پی پی) بنجائی وزیر کانود و انصاف زاہد حامد پارینے کہ اسلام آباد، بلوچستان ہائی کورٹس و فیڈرل شریعت کورٹ اٹی اسہ جج اس ہم دوہری شہریت نا حامل اف وخت اس کہ ایلو بڑزکو عدالت آتیان دابارواٹی ورندی نا انتظار ئِ وخت اس کہ اسپیکر سرجم احوال بننگ اسکان داسوج ئِ موخر کرے۔ پنچ شنبے آ قومی اسمبلی ٹی وقفہ سوج آتا وخت شمس النساءنا سوج انا ورندی ٹی وزیر کانود و انصاف زاہد حامد پارے کہ فیڈرل شریعت کورٹ، اسلام آباد ہائی کورٹ، بلوچستان ہائی کورٹ کوئٹہ معلومدار کرینے کہ چیف جسٹس تون اوار اسہ جج اس ہم دوہری شہریت نا حامل اف۔ سپریم کورٹ ، لاہور ہائی کورٹ، سندھ ہائی کورٹ ، پشاور ہائی کورٹ نا کنڈآن انفارمیشن نا انتظار ئِ۔ اسپیکر پورو ورندی بننگ اسکان اودے موخر کرے۔