اسلام آباد۔ 29 ستمبر (اے پی پی) عوامی نیشنل پارٹی نا کسرشون قومی اسمبلی باسک حاجی غلام احمد بلور پارینے کہ ہڑتوم آ ملک آتا ویل آک جنگ اٹی ایسر مفسہ ، بھارت سارک کانفرنس اٹی بفننگ نا غلط فیصلہ کرے، دھرنہ غاتیان حکومت آک ہمپسہ، دنیا ٹی اسہ جاگہ اس ہم دھرنہ تننگپک۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ ملک اٹی بے روزگاری ، کبینی و نیزگاری نا نتیجہ ہم مسکوہی نا جنگ آک ئُ، ہڑتوم آ ملک آتا نیام اٹ ویل آتے ہیت وگپ نا کمک اٹ ایسر کننگ مریک، جنگ آتیان ویل آک ایسرمفسہ بلکن بگڑینگرہ، ہڑتوم آ کنڈ الس ئِ اونا خمیازہ ئِ بھگتوئی تمک۔ اوپارے کہ بھارت ئِ سارک کانفرنس اٹی شرکت کروئی ئسک۔ ہر وخت ہٹ دھرمی بھارت نا مفاداٹی اف۔ اسہ سوج اسے نا ورندی ٹی او30ستمبر نا عمران خان نا دھرنہ نا بابت آن پارے کہ دنیا ٹی اسہ جاگہ اس ہم دھرنہ تننگپک، ہیت و گپ نا کمک اٹ ویل آتا ایسری ئِ کشنگک۔
