اسلام آباد۔ 29ستمبر (اے پی پی) مسلم لیگ (ن) نا قومی اسمبلی باسک وحید عالم خان پارینے کہ وزیراعظم پاکستان اقوام متحدہ نا جنرل اسمبلی ٹی مقبوضہ کشمیر اٹی بھارتی بیدادی آ دنیائِ معلومدار کرے ہراڑآن مودی حکومت آ جہانی برادری نا پریشر ودنگ نا سوب بھارت دھڑکو تننگ آ بسنے۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ وزیراعظم پاکستان جنرل اسمبلی ٹی تینا تران اٹی مقبوضہ کشمیر اٹی بھارتی بیدادی و پاکستان اٹی دہشت گردی ٹی اوار مننگ نا بابت مفصل ذکر کرینے و جہانی برادری نا مون آ مقبوضہ کشمیر اٹی بھارتی بیدادی تیان معلومدار کرے۔ اوپارے کہ پاکستان کشمیری تا اخلاقی و سفارتی کمکئِ برجاءتخک۔ بھارت اخس کہ ظلم کے او کشمیری تا آجوئی نا جہد ئِ توننگ کپک۔ اوپارے کہ وزیراعظم نا جنرل اسمبلی ٹی تران بھارتی وزیراعظم مودی ئِ بدلگانے ہرانا سوب بھارت جنگ انا دھڑکو تننگ ئِ۔ بھارت نا اسہ سم انا بدلہ ٹی اِراسم خلینہ۔ اوپارے کہ بھارت واک انا زی آ آجوئی نا جہد ئِ توننگ کپک، کشمیری تا آجوئی نا تحریک دے پہ دے زیات مننگ ئِ ، بھارت نا 9لکھ فوج مقبوضہ کشمیر اٹی آجوئی نا تحریک نا جہد ئِ توننگ اٹی مست ہم بے سہب ئسر و داسا ہم بے سہب مریرہ۔
