بھارت پاکستان نا سوگو معیشت و ترند رفتار شون آن خارزدہ ئِ ، دہشت گردی مسلط کننگا تو بوز اٹ کنیک، 30ستمبر ہم گدرینگک، عابد شیر علی

اسلام آباد۔ 29 ستمبر (اے پی پی) وزیر مملکت عابد شیرعلی پارینے کہ بھارت پاکستان نا سوگو معیشت و ترند رفتار شون آن خارزدہ ئِ، وزیراعظم جنرل اسمبلی ٹی مقبوضہ کشمیر اٹی بھارتی بیدادی آ پاکستان نا درست موقف ئِ جہانی برادری نا مون آ تخانے، لس گچین کاریک 2018ءٹی ہی مریرہ، مسلم لیگ (ن) پبی سرسہبی دوئی کیک، 14اگست تدینگا 30 ستمبر ہم تدینگک۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پاکستان نا ترندی اٹ شون ہلسا و سوگو معیشت بھارت ئِ ہضم مفننگ ئِ ، وزیراعظم پاکستان مقبوضہ کشمیر اٹی بھارتی بیدادی آ پاکستان نا موقف ئِ جہانی برادری نا مون آ تخانے، مقبوضہ کشمیر اٹی انسانی حق انا سنگین خلاف ورزی بھارت کننگ ئِ۔ اوپارے کہ پاکستان کشمیر نا بابت موقف ئِ جہانی برادری امنا کرینے ہراڑآ بھارت بوکھلاہٹ نا گواچی مسنے ، او پاکستان ئِ جنگ انا دھڑکو تننگ ئِ ، پاکستان پرامن ملک اسے، ڈیہہ ٹی امن خواہک اگہ پاکستان آ دہشت گردی اس مسلط کننگا تون پاکستان اونا منہ توڑ ورندی ئِ ایتک۔ وزیر مملکت پارے کہ بھارت نا مقبوضہ کشمیر نا بابت نہ صر ف خارجہ پالیسی بے سہب مس بلکن بھارت تینٹ بے سہب مسنے۔ بھارتی وزیراعظم مودی ئِ جہانی کہول آ داکان مست دہشت گرد گوندنگا ۔ اسہ سوج اسے نا ورندی ٹی اوپارے کہ 14اگست گدرینگا30 ستمبر ہم گدرینگک۔ حکومت تینا مدت ئِ پورو کیک، بروک آ لس گچین کاریک 2018 ءٹی ہی مریرہ۔ عمران خان نا دھرنہ غاتیان حکومت آ ہچ ئُ پرخ اس تمپک۔ اوپارے کہ بزغر آتے ٹیوب ویل آ سبسڈی تننگا ولے اونا باوجود بل آتے جمع کرفنگ افس۔ او تینا ہی معاہدہ غاتیان مون ئِ ہڑسنگ ئُ۔