اسلام آباد۔ 28ستمبر (اے پی پی) بنجائی وزیر واپار انجینئر خرم دستگیر پارینے کہ تھائی لینڈ و ترکی تون آزادانہ واپار نا معاہدہ نا بابت آن کافی کاریم مسنے، 2017ءٹی ساﺅتھ کوریا تون ہم آزادانہ واپار نا معاہدہ غا کاریم نا بنائِ کینہ۔ روس اتون دفاع تون اوار اوار کشاری بشخ اٹی ہم واپار نا وارخواہی مون آ بننگ ئِ۔ چارشنبے آ قومی اسمبلی ٹی وقفہ سوج آتا وخت آ شگفتہ جمانی نا سوج انا ورندی ٹی خرم دستگیر پارے کہ تدینگوک آ پنچ سال انا وخت برآمد و درآمد نا ہچ ئُ معاہدہ اس کننگ تنے۔ نن اسہ پالیسی اس جوڑ کرینن کہ ہرا ملک آتیان آزادانہ واپار نا معاہدہ کروئی ئِ۔ ترکی وتھائی لینڈ تون فری ٹریڈ معاہدہ کن کافی کاریم مسنے۔ 2017ءٹی ساﺅتھ کوریا آن ہم ایف ٹی اے مون آ کائے۔ چین آن 10سالہ متکنا ایف ٹی اے آ نظرثانی کننگ انگ ئِ۔ روس اٹی اولیکو کشاری نمائش اٹی شرکت کرے۔ زوت ہموکان بھلو امپورٹ اسے نا بناءمریک۔ پاک اوغان ٹریڈ نا آسراتی ئِ گچین جوڑ کننگ اُن۔ سکینر خلنگانے۔ 30جون 2017ءآن مست طورخم و چمن آ بھاز بھلو زرکاری اس مننگ والا ئِ۔ نن اوغانستان تون واپار ئِ مناسب وڑاٹ رجسٹرڈ کروئی ئِ و واپار ئِ ودفوئی ہم ارے۔ روس آن دفاعی کمکار ی ٹی بھلو گام اس چست کرینے۔ داوڑ واپار اٹی ہم گچینی بریک۔ پٹاٹہ و کینو ٹی روس انا است خواہی ئِ۔
