اسلام آباد۔ 28ستمبر (اے پی پی) وزیر سیفران لیفٹیننٹ جنرل (ر) عبدالقادر بلوچ پارینے کہ نومبر آن مست غٹ آئی ڈی پیز آک تینا اُراتیا پدی ہنانو، فاٹا اصلاحات آ باسک آتیان گچین مشورہ نا اومیت ئِ۔ چارشنبے آ قومی اسمبلی ٹی وقفہ سوج آتا وخت ڈاکٹر شازیہ ثوبیہ نا سوج انا ورندی ٹی لیفٹیننٹ جنرل (ر) عبدالقادر بلوچ پارے کہ نومبر آن مست غٹ آئی ڈی پیز آک تینا اُرا تیا پدی ہنانو۔ زیات تر بندغ آک پدی ہنانو۔ فاٹا ٹی داخہ وسیلہ اف کہ اودے جتا صوبہ اس تننگے۔ فاٹا اصلاحات نا بابت کمیٹی تینا رپورٹ ئِ گڈیکو دروشم تسنے ۔ شگفتہ جمانی نا سوج انا ورندی ٹی لیفٹیننٹ جنرل (ر) عبدالقادر بلوچ پارے کہ فاٹا کن 2015-16ءنا وخت آ 165اسکیم آتے کن 3ارب 86کروڑ روپئی جتا کننگاسس۔
