اسلام آباد۔ 27 ستمبر (اے پی پی) صدر مملکت ممنون حسین ئَ گوشت کہ ازمکار مئے راجی مڈی اَنت۔ ایشانی جوانی دود ئُُ ربیدگی اِزمت آنین سبب ئَ پاکستان سرجمیں دُگنیا ئَ نامدار اِنت۔ آئی ئَ اے گپ سئے شمبے ئِ روچ ئَ ایوان ئِ صدر دئَ فیڈرل گورنمنٹ آرٹسٹ ویلفیئر فنڈ ئِ سٹیئرنگ کمیٹی ئِ پنچمی دیوان ئِ مردم آں گوں تران کنان ئَ کُت اَنت۔ صدر ئِ مملکت ممنون حسین ئَ گوشت کہ اِزمکار ئُُ شائر ئُُ ندکار دود ئُُ ربیدگی پڑ ئَ ملک ئِ نماھندگی ئَ کنگ ئَ اِنتئُُ ملک ئَ معاشرتی ئُُ دود ئُُ ربیدگی دیمروئی ئِ ھاترا جوانیں کرد پیلو کنگ ئَ اَنت۔ صدر ئِ مملکت ئَ گوشت کہ حکومت ئَ دود ئُُ ربیدگ ئَ را دیمروئی دیگ ئِ ھاترا جوانیں گامگیج چست کنگ ئَ اِنت ئُُ اے رد ئَ اِزمکار آنی گہبود ئِ ھاترا گام گیج ھم زورگ ئَ اِنت۔ دیوان ئَ عطا الحق قاسمی، مصطفی قریشی، محمد قوی خان ئُُ اصغر ندیم سیّد ئَ ابید ایندگہ بازیں مردم ساڑی اَتنت۔
