اسلام آباد۔ 22اپریل ( اے پی پی) مزن وزیر محمد نوا ز شریف ئَ پا نامہ لیکس ئِ ھوالہ ئَ یک بار پدا وت ئَ ئُُ وتی درستیں ھاندان ئَ احتساب ئِ ھاتر ئَ پیش کنگ ئِ پیسلہ کرتگ انت کہ آ سپریم کورت ئِ چیف جسٹس ئَ نبشتانک نبشتہ کنت کہ آ اے معاملہ ئِ پٹ ئُُ پول ئِ ھاتر ئَ کمیشن جوڑ بہ کنتئُُ آ اے کمیشن ئِ سفارشت آں بہ منیت ۔ آئی ئَ اے جار جمعہ ئِ شام راج ئَ شنگی تران ئَ کرتگ۔ مزنو زیر ئَ گشتگ کہ آھاں پاکستان ئِ با شعور اُلس ئَ گچین کرتگ انت ئُُ آ الہ ئَ پد الما ئُُ الما پاکستان ئِ اُلس ئَ جوابدہ انت بلے آ اُلس ئِدیما یک ھاسیں جار جنئگ لوٹیت کہ آئی ئَ پیسلہ کرتگ انت کہ آ سپریم کورٹ ئِ چیف جسٹس ئَ نبشتانک نبشتہ بہ کنت ئُُ آ اے معاملہ ئِ پٹ ئُُ پول ئِ ھاتر ئَ یک کمیشن جوڑ بہ کنت تنکہ آ مہلوک تھانہ جنئگ ئَ انت آ اے کار ئَ مئے ساپ ئُُ پلگاری ئِ آھر ئَ بہ گند انت۔ مزن وزیر ئَ گشتگ کہ آ اے کمیشن ئِ سفارشت بہ منیت پدا ہم آگاں آئی سرا ڈوبہ ثابت نہ بوتگ گڑا آ اے مہلوک ئَ روچی دروگ ئِ ڈوبہ ئِ بازار گرم کن انت راج ئَ دست بند گ ئَ معافی لوٹ انت؟ ئُُ چے اُلس آھاں معاپ بہ کنت، اے جست ئِ پسو ئَ اُلس ئِ سرا یل بہ دیاں۔
