بلوچستان ءِ سر وزیر پنجگور ءُ چاغی ءَ فتنہ الهندستان ءِ ناشرکارانی حلاف ءَ سوبمندیں آپریشن ءِ ھاتر ءَ سیکورٹی فورسز ءَ را   توسیپ ءُ ستا

کوئٹہ۔ 19 ستمبر (اے پی پی): بلوچستان ءِ سر وزیر میر سرفراز بگٹی ءَ آپریشن راد الفتنہ 3 ءِ چیر دستی ءَ بلوچستان ءِ ضلع پنجگور ءُ چاغی ءَ فتنہ ہندوستان ءِ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را شگر ءُ منت گپت۔ ناشرکاری ءِ ھلاپ ءَ جنگ ارزشت دار اَنت۔ پنجگور ءُ چاغی ءَ 11 ناشرکارانی کُشگ ءُ ناشرکارانی نا شریں رھبندانی ناکام کنگ سیکورٹی فورسز ءِ موثریں کارروائی ءُ راجی ایمنی ءِ رکھینگ ءِ ھاترا آھانی جزم ءِ درشان اِنت۔ آئی ءَ گوشت کہ ملک ءِ بامردیں زھگ وتی جند ءِ ھیال داری ءَ ابید ناشرکاری ءِ ھلاپ ءَ جنگ ءَ انت، سرجمیں راج سیکورٹی فورسز ءِ قربانی ءُ  ازمت آنی ستا ءَ کنت۔ بلوچستان ءِ بنجاھی وزیر ءَ گوشت کہ فتنہ الهندستان ءُ فتنہ الخریج ءِ ھلاپ ءَ آپریشن راجی سلامتی ءِ رکھینگ ءِ واستہ برجاہ بیت۔ ناشرکاری ءِ سرجمیں ھلاسی ءِ ھاترا ریاستی ادارگ ءُ  راج یکجاہ انت ءُ  ناشرکاری ءِ عناصر ءِ نا شریں ارادہ ھرچ پڑ ءَ ناکام کنگ بنت۔ آئی ءَ آپریشن راد الفتنہ تھری ءَ بھر زوروکیں سیکورٹی فورسز ءِ کارندہ آناں شگر ءُ منت گپت ءُ گوشت کہ ناشرکاری ءِ ھلاپ ءَ جنگ ءَ راج وتی بہادریں زھگ آنی گوما ھمگام ءَ اوشتاتگ۔