وفاقی وزیر اورنگزیب کھچی  ءَ قائداعظم اکیڈمی کراچی ءِ تر ءُ تاب

کراچی۔ 19 ستمبر (اے پی پی): راجی ورثہ ءُ  دود ءُ  ربیدگ ءِ وفاقی وزیر اورنگزیب خان کھچی  ءَ کراچی ءِ تر ءُ  تاب ءِ موہ ءَ قائداعظم اکیڈمی کراچی ءِ تر ءُ  تاب کتگ ءُ  قائداعظم مزار مینجمنٹ بورڈ ءِ ریزیڈنٹ انجینئر عبدالعلام شخی ءَ گوں آئی ءَ را وش آتک کتگ۔ سینئر افسر زاہد حسنی ابرو، عبدالمجید فاروقی، عاصم خان نیزی، سول سوسائٹی ءِ نمائندگ ڈاکٹر فاتز شاہین، رانا اشفاق رسول، اسلم خان فاروقی، ڈاکٹر ایرام مظفر ءُ دگہ بازیں مردم ھوار انت۔ شمبے ءِ روچ ءَ جاڑی بوتگیں بیان ءِ رد ءَ وفاقی وزیر اورنگزیب خان کھچی  ءَ قائداعظم اکیڈمی ءِ گہتری ءِ واستہ سول سوسائٹی ءِ نمائندگ آنی نیمگ ءَ چہ سوج زرتگ۔ سول سوسائٹی ءِ نمائندگاں قائداعظم اکیڈمی ءِ نیمگ ءَ چہ قائداعظم ءِ ھیال ءُ لیکہاں را عام شہری ءُ نوکیں نسل ءَ سر کنگ ءِ ھاتر ءَ کتگیں کوشست آنی ستا کرتگ ءُ اے پڑ ءَ بدلی آرگ ءِ ضلورت ءِ سر ءَ زور پر داتگ ءُ رسانکدر ءَ جتا جتائیں سوج پیش کتگ اَنت چوش کہ قلم ءِ دیم ءَ آرگ ءِ ھاتر ءَ ءِ قائداعظم اکیڈمی ءِ دیم ءَ آرگ ءُ کتابجاہ ءِ کارندہ ءُ جتا جتائیں کارندہ آنی جاگہ ​​آناں پُر کنگ ءَ انت۔ آہاں گوشت کہ قائداعظم اکیڈمی پاکستان ءِ یک ھاسیں اکیڈمک ءُ  پٹ ءُ  پولی ادارگ انت۔ اے ادارہ پاکستان ءِ بانی قائداعظم محمد علی جناح ءِ زند، فکر ءُ آدرشانی سرا پٹ ءُ پول ءُ موادانی شنگ کنگ ءِ واستا جوڑ کنگ بوتگ۔ پمیشکا قائداعظم اکیڈمی ءِ کارکردگی ءَ را گیش گہتر ءُ  معیاری کنگ ءِ ھاتر ءَ ترندیں گامگیج چست کنگ بہ بنت دانکہ نوکیں نسل قائداعظم ءِ فکر ءُ  لیکہاں گوں آشنا کنگ بہ بیت۔