اسلام آباد۔ 27ستمبر (اے پی پی) وزیر مملکت دیر و بجلی عابد شیر علی پارینے کہ بھارت مقبوضہ کشمیر اٹی کودک کشمیری تیا ظلم کننگ ئِ۔ سے شنبے آ پارلیمنٹ ہاﺅس نا پیشن میڈیا تون ہیت و گپ کرسا اوپارے کہ وزیراعظم پاکستان اقوام متحدہ نا جنرل اسمبلی ٹی کشمیر نا ویل ئِ چست کرینے، پاکستان کشمیری تا سفارتی و اخلاقی مخ تفی ئِ برجاءتخک۔ بھارت کشمیر اٹی انسانی حق انا خلاف ورزی ئِ کننگ ئِ۔ کشمیری الس بھارت نا ریاستی دہشت گردی آن نجات خواہک وخت اس کہ بھارتی سروک بوکھلاہٹ نا گواچی ئِ۔ وزیر مملکت پارے کہ بھارت دنیا نا غٹ آن بھلا دہشت گرد ئِ۔ مقبوضہ کشمیر اٹی بھارتی بیدادی آ امن نا علمبردارآتا خنک بایدے ملنگر۔ وزیر مملکت پارے کہ نندی پور ڈٹ انا بھس کاری نا زمہ وار نیپرا ئِ۔ ننا خواہش ئِ کہ بجلی نا ریگولیٹر ہم وزارت نا ماتحت کاریم کے، نندی پور اٹی کرپشن ئِ ڈھکنگ کن خاخر لگفنگا، نن زمہ وار آتے ہلکن و سزا تننگانے، ایف آئی اے ئِ انکوائری کن پاننگانے۔ اوپارے کہ نندی پور ڈٹ اکتوبر اٹی دُوارہ آپریشنل مرساکاریم نا بنائِ کیک، ننا خواہش ئِ کہ بجلی نا ریگولیٹر ہم وزارت نا ماتحت کاریم کے، دابابت مقدمہ چلینگ انگ ئِ۔ اسہ سوج اسے نا ورندی ٹی اوپارے کہ برانز کننگ جمہوریت نا حسن و غٹ انا حق ئِ ، ولے اُراتا کنڈا مارچ کننگ سہی اف۔
