گچین کاری تیٹی کٹنگ و باتننگ کاہک مریک ، 30ستمبر آ ننا برانز پرامن مریک، شیریں مزاری

اسلام آباد۔ 27ستمبر(اے پی پی) پاکستان تحریک انصاف نا کسرشون قومی اسمبلی نا باسک شیریں مزاری پارینے کہ 30ستمبرآ ننا برانز پرامن مریک، پی پی 7 نا ضمنی گچین کاری ٹی ننا اومیت دار ئِ برتری دوئی ئسک۔ سے شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ ننا رائے ونڈ اٹی 30 ستمبر آ پرامن برانز مریک اگہ نن کس اس جلہو کرے تو نن ہم ہمووڑ ورندی ئِ ایتنہ۔ پرامن برانز ننا حق ئِ ۔ اسہ سوج اسے نا ورندی ٹی اوپارے کہ پی پی 7 نا ضمنی گچین کاری ٹی ننا اومیت دار ئِ برتری دوئی ئسک ولے اناگت نتیجہ بدل مس۔ اوپارے کہ گچین کاری تیٹی کٹنگ و باتنگ مریک کاہک۔