اسلام آباد۔ 27 ستمبر (اے پی پی) وزیر خزانہ سینیٹر اسحاق ڈار قومی اسمبلی ئِ پارینے کہ پاکستان او ای سی ڈی ملٹی لیٹرل کنونشن نا 104می باسک جوڑ مسنے۔ بروک آ سال انا آخر اسکان ننے ٹیکس ئِ ڈھکنگ نا بارواٹی معلومداری ملنگ کیک۔ سے شنبے آ قومی اسمبلی ٹی وزیر خزانہ سینیٹر اسحاق ڈار پارے کہ نن اقتدار اٹی برسا سوئٹزر لینڈ آن ٹیکس انا بابت معلومداری کن معاہدہ غا کاریم نا بنائِ کرین۔ اونا کنڈآن ایم او ایف و ٹیکس چھوٹ نا ڈیمانڈ ئس۔ داسا اوٹی پیش رفت مننگ ئِ۔ پارلیمنٹ آن منظوری ہلنگک۔ نن کابینہ آن منظوری تسونن۔ 2017ءنا نیام اٹ اوڑآ دستخط متوقع مریک۔ پاکستان ملٹی لیٹرل کنونشن نا ممبر شپ ہلکونے۔ اونا 103باسک ئُ۔ 14ستمبر آ نن اوڑآ دستخط کرینن۔ پاکستان او ای سی ڈی نا 104می ملک ئِ۔ اوپارے کہ اومیت ئِ کہ بروک آ سال انا آخر اسکان ہراتم دا آپریشنل مریک تو ولدا ننے ٹیکس ڈھکنگ نا بارواٹی معلومداری ملنگ کیک۔ دا آفر 2011ءآن ئس واہم دا کریڈٹ ننا حکومت آ کاہک۔ نن اونا غٹ گرج آتے پورو کرین۔
