اسلام آباد ۔ 27 ستمبر (اے پی پی) بُنجاھی وزیر ریل گاڑی خواجہ سعد رفیق ئَ بُنجاھی وزیر منصوبگ بندی ئُُ دیمروئی احسن اقبال ئِ ھمبراھی ئَ چین ئِ نیشنل ریلویز ایڈمنسٹریشن ئِ ایڈمنسٹریٹر لوڈانگ فو ئَ گوں گند ئُُ نند کُت۔ ریل گاڑی آنی وزیر مرچی باندا چین ئِ تر ئُُ تاب ئَ اِنت دوئیں ملک آنی نیام ئَ ریل گاڑی ئِ شوبگ ئِ تہ ئَ ھاسیں رنگ ئَ ایم ایل ون، کراچی، پشاور ریل گاڑی پراجیکٹ ئِ سر ئَ گپ ئُُ تران کُت ئُُ اُمیت سُہرا کُت کہ اے منصوبگ ئِ سر ئَ کار بیت ایش بلٹ ٹرین سپیڈ ئِ گوما سرجم کنگ بیت۔ آئی ئَ گوشت کہ ریل ئِ پراجیکٹ سی پیک کمیونیکیشن انفراسٹرکچرز ئِ بُنیاتی بھر اِنت دمگی یکوئی ئِ ھاترا مزنیں ارزشت ئِ داریت۔ گند ئُُ نند ئِ تہ ئَ ایم ایل ون کراچی پشاور ریل گاڑی پراجیکٹ ئَ ھوار ریل ئِ بازیں منصبگ ئُُ ایشانی سر ئَ تُرندی ئَ کار کنگ ئِ سر ئَ چار ئُُ تپاسی گرگ بوت۔ لوڈانگ فو ئَ گوشت کہ سی پیک ئِ سر ئَ مزنیں کار بوھگ ئَ اِنت ایش دوئیں ملک آنی دوستی ئِ برورد اِنت ایشی ئَ چہ اے پڑ ئَ ترندی ئَ معاشی دیمروئی بیت۔ اے موہ ئِ سر ئَ چین ئَ پاکستانی سفیر مسعود خالد ، وزارت ئِ ریل گاڑی ئِ ٹوھیں کارندہ ئُُ چین ئِ مزنیں کارندہ ساڑی اَتاں۔
