
اسلام آباد ۔26 ستمبر (اے پی پی) چارسدہ ئَ پولیس وین ئِ سر ئَ ریموٹ کنٹرول بمب تراک ئَ چہ 3کارندہ ئَ ھوار 9مردم ٹپیگ بوتگ اَنت۔ پیل ٹی وی ئِ رد ئَ چارسدہ ئِ تحصیل شب قدر ئِ دمگ سروکلئی ئَ پولیس وین ئَ را ریموٹ کنٹرول بمب ئِ نشانگ کتگ، ایشی ئِ نتیجگ ئَ 3کارندہ آں ھوار 9مردم ٹپیگ بوتگ اَنت وھدیکہ نزیک ئَ گوزوکیں مساپر آناںھم تاوان رستگ۔ دو شمبے ئِ سُہب ئِ سر ئَ تراک آنی ھال سر بوھگ ئَ پولیس ئِ مزنیں کساس ئِ موہ ئِ سر ئَ پُج اِتئُُ دمگ ئَ را چپ ئُُ چاگرد ئِ کُتئُُ ناشرکار آنی پٹ ئُُ لوٹ ئِ بندات کُت۔ تراک ئَ چہ ٹپیگ بوتگیں مردم آناںچارسدہ ہسپتال ئَ روان دات۔ اھوال آنی رد ئَ ناشرکاری ئِ آماچ بوھوکیں کارندہ پولیو ٹیمب آنی سیکورٹی ئَ بوتگ اَنت۔