میانوالی، بس ئُُ ٹرک ئَ ٹوکر وارتگ، 4مردم بیران ، 3ٹپیگ

اسلام آباد ۔26 ستمبر (اے پی پی) میانوالی ئَ بس ئُُ ٹرک ئَ وت مہ وت ٹوکر وارتگ، ایشی ئِ سبب ئَ 4مردم بیران بوتگ ئُُ 3مردم ٹپیگ بوتگ اَنت۔ جِندی ٹیلی ویژن ئِ رد ئَ میانوالی ئِ دمگ ٹبی موڑ ایم ایم روڈ ئِ سر ئَ کراچی ئَ چہ مانسہرہ روکیں تُرند روکیں بس ئَ گوں ٹرک ئَ ٹوکر وارتگ ایشی ئِ سبب ئَ 4مردم ھما ساھت ئَ بیران بوت ئُُ 3 مردم ٹپیگ بوتگ اَنت۔ ریسکیو کارندہ آنی رد ئَ بیران بوتگیں مردم آنی جون ئُُ ٹپیگ آناں ڈسٹرکٹ ہسپتال میانوالی روان دیگ بوتگ اَنت۔