اسلام آباد۔ 26ستمبر (اے پی پی) چارسدہ ٹی پولیس وین آ ریموٹ کنٹرول بمب جلہو اٹی 3کارندہ غاتون اوار 9 بندغ ٹھپی مسر۔ پی ٹی وی نا رداٹ چارسدہ نا تحصیل شب قدر نا علاقہ سروکلئی ٹی پولیس وین ئِ ریموٹ کنٹرول بمب انا کمک اٹ نشانہ جوڑ کننگا ہرانا نتیجہ ٹی 3کارندہ غاتون اوار 9 بندغ ٹھپی مسنو وخت اس کہ خڑک آن گدرینگوک آ مسافر بس اسے ہم نسخان رسینگانے۔ دوشنبے نا سہب ئِ مڑدان مروک آ دھماکہ نا احوال ملنگ تون پولیس نا بھلو نفری اس موقع غا سرمس و علاقہ ئِ گھیڑ اٹی ہلسا جلہو گیر آتا پٹنگ نا بنائِ کرینو۔ دھماکہ ٹی ٹھپی مروک آ بندغ آتے چارسدہ نا ہسپتال آ گدریفنگا۔ احوال آتارداٹ دہشت گردی نا نشانہ جوڑ مروک آ کارندہ غاک پولیو ٹیم تا سیکورٹی آ سلوک ئسر۔
