اسلام آباد۔ 26ستمبر (اے پی پی) بنجائی وزیر ڈٹ بندی و شون احسن اقبال پارینے کہ سی پیک آن ڈیہہ ٹی شون نا کسرآک ملنگرہ و ہمسایہ ملک آتے چین اتون ہڑزان دام واپار کننگ اٹی کمک رسینگک۔ پاکستان نا ودک آ شاری آبادی نا چیلنج آتون مون تننگ کن پاکستان ئِ چین نا آزموندہ غاتیان فائدہ ہرفنگ نا گرج ئِ۔ داخیال آتا درشانی ئِ او دوشنبے آبیجنگ اٹی سینٹر فار انٹرنیشنل اکنامک ایکسچینجز نا ایگزیکٹو وائس چیئرمین و مسکوہی وائس چیئرمین نیشنل ڈویلپمنٹ اینڈ ریفارم کمیشن چین شانگ تون اوڑدہی کرے۔ داوخت آ وزیر احسن اقبال پارے کہ سی پیک آن ڈیہہ ٹی شون نا کسر آک ملنگرہ و ہمسایہ ملک آتے چین اتون ہڑزان دام واپار کننگ اٹ کمک رسینگک۔ اوپارے کہ سی پیک نا رداٹ پاکستان و چین نا نیام اٹ توانائی و انفراسٹرکچر نا کیہی ڈٹ آتیا کاریم مننگ ئِ ولے داسا ننے علم انا شریداری آ ہم کاریم کروئی مریک۔ بنجائی وزیر پارے کہ پاکستان نا ودوک آ شاری آبادی نا چیلنج آتون مون تننگ کن پاکستان ئِ چین نا آزموندہ غاتیان فائدہ ہرفنگ نا گرج ئِ۔ اوپارے کہ شاری علاقہ غاتا ڈٹ بندی و خلقی علاقہ غاتا اقتصادی شون اکن چین اتون اوار اٹ ورکشاپس کرفوئی مرے۔ احسن اقبال پارے کہ آبی کوڑی و سمال اینڈ میڈیم انٹرپرائزربشخ اٹی گچینی کن ہم چین اتون اواری اٹ کاریم کننگ نا گرج ئِ۔ بنجائی وزیر سی سی آئی ای ای نا سی ای او ئِ دسمبر اٹی مروک آ سالانہ کانفرنس اٹی شرکت نا سلہ ترسا پارے کہ پائیڈ و سی سی آئی ای ای نا نیام اٹ سوگو تعلقداری اڈ تننگ مریک۔ سی سی آئی ای ای نا چیف ایگزیکٹو سی پیک آ کاریم نا رفتار نا ستائِ کرسا پارے کہ داڑآکاریم ہر راہداری آن زیات ترند رفتاری اٹ مننگ ئِ۔ اونا پاننگ ئس کہ سی پیک پاکستان و چین نا سنگتی نا گچین مثال ئِ ہراڑآن ڈیہہ نا خلقت آتے بھلو کچ اسے آ فائدہ رسینگک۔
