پاکستان جاپان ئِ گوما اقتصادی سیادی ئَ را گیش ودینگ ئِ واستہ واھشتیگ اِنت، جوانیں جاور آل آنی سبب ئَ میاں اوستمانی سرمایہ کار پاکستان ئِ نیمگ ئَ دیم گور کنگ ئَ اَنت
وزیر ئِ ھزانگ سینیٹر اسحاق ڈار ئِ جاپانی تجارتی ٹولیگ ئَ گوں گند ئُُ نند ئَ درشان
پاکستان ئَ کزبی شوبگ ئِ تہئَ سرمایہ کاری ئَ را گیش ودینگ ئِ موہ است، جاپان پاکستان ئَ وتی سرمایہ کاری ئَ را گیش کنت، یاشوشی اکاہوشی
اسلام آباد۔ 24 ستمبر (اے پی پی) وزیر ئِ ھزانگ سینیٹر اسحاق ڈار ئَ گوشت کہ پاکستان جاپان ئِ گوما اقتصادی سیادی ئَ را گیش ودینگ ئِ واستہ واھشتیگ اِنت، ما مُدام جاپان ایکسٹرنل ٹریڈ آرگنائزیشن ئِ منوک بوتگ آں، جوانیں جاور آل آنی سبب ئَ میاں اوستمانی سرمایہ کار پاکستان ئِ نیمگ ئَ دیم گور کنگ ئَ اَنت، پاکستان ئَ سرمایہ کاری ئِ ھاترا جاورجوان اَنت۔یک چمبے ئَ وزیر ئِ ھزانگ سینیٹر اسحاق ڈار ئَ گوں جیٹرو ئِ صدر یاشوسی اکاہوشی ئِ پاگواجئی ئَ جاپانی ٹولیگ ئِ گند ئُُ نندکتگ۔ جیٹرو ئِ نیمگ ئَ پاکستان ئَ سرمایہ کاری ئَ را وش اَتک کنت۔ صدر جیٹرو یاشوشی اکوشی ئَ گوشت کہ پاکستان ئَ کزبی شوبگ ئِ تہئَ سرمایہ کاری ئَ را گیش ودینگ ئِ موہ است،ایشی ئَ چہ دوئیں ملک آنی نیام ئَ دوستی گیش مھکم بیت، جاپان پاکستان ئَ وتی سرمایہ کاری ئَ را گیش کنت۔
