اسلام آباد۔ 24 ستمبر (اے پی پی) مزن وزیر محمد نوازشریف اقوام متحدہ ئِ جنرل اسمبلی ئَ گوں گشتانک دیگ فئَ پد پاکستان ئَ آیان ئَ لندن ئَ سر بوت آھودا پاکستانی ہائی کمشنر سید ابن عباس ئُُ ہائی کمشن ئِ مزنیں کارندہ آں آئی ئَ را وش اَتک کُت۔ لندن ئَ چہ اِدا سر بوتگیں پریس ریلز آنی رد ئَ مزن وزیر لندن ئَ سر بوھگ ئَ پد اھوالکار آں گوں تران کُت ئُُ ایشرا گوشت کہ مقبوضہ کشمیر ئَ بھارت ئِ نیمگ ئَ چہ ھمے زوت ئِ ماھ آنی تہ ئَ بنی آدم آنی ھک ئِ لگت مالی ئِ ھال دُگنیا ئَ را ھال دات۔ آئی ئَ اے موہ ئَ کشمیری اُلس ئِ واھشت آنی رد ئَ کشمیر ئِ جیڈھ ئَ را زوت گیوار کنگ ئِ ھاترا زور پر دار۔ یک جُستے ئِ پسو ئَ آئی ئَ گوشت کہ چین پاکستان اقتصادی راہداری ملک ھاسیں رنگ ئَ بلوچستان ئِ چاگردی، اقتصادی دیمروئی ئِ ھاترا سک باز ارزشتی اِنت۔
