صدر مملکت ممنون حسین تون سوڈانی صدر نا خصوصی ایلچی نا اوڑدہی

اسلام آباد۔ 23ستمبر (اے پی پی) صدر مملکت ممنون حسین پارینے کہ کیہی بشخ آتیٹی کمکاری آن پاکستان و سوڈان نا نیام اٹ تین پہ تینی واپار اٹی پین ودکی مننگ کیک، پاکستان و سوڈان نا نیام اٹ سنگتی ئِ مذہب ، تاریخ و دودوربیدہ نا رشتہ غاتے سوگو جوڑ کیک۔ داہیت ئِ او جمعہ آ سوڈانی صدر نا خصوصی ایلچی کمال حسن علی تون ہیت وگپ کرسا پارے۔ خصوصی ایلچی سوڈانی صدر نا اہم کلہو ئِ ہلسا صدر مملکت نا کنڈا بسوسس۔ صدر مملکت سوڈانی صدر نا کنڈآن جہانی ادارہ جان جوڑی (ڈبلیو ایچ او) ٹی سوڈان نا نمائندگی کن مخ تفی نا درخواست آ غور کننگ نا یخین دہانی کرفے۔ صدر مملکت پارے کہ پاکستان و سوڈان نا نیام اٹ کیہی بشخ آتیٹی ڈل آتا درشانی بایدے برجاءسلے تانکہ ہڑتوم آملک آتا تعلقداری تیٹی پین ودکی مننگ کے۔ صدر مملکت پارے کہ دفاعی نمائش آئیڈیاز2016ءٹی سوڈان نا شرکت آن ہڑتوم آ ملک آتیٹی کمکاری نا پین کسرآک ملنگرہ۔ صدر مملکت پارے کہ پاکستان و سوڈان جہانی فورم تیا اسہ ایلو نا مخ تفی ئِ مست ہم کرسا کرینو و پین وخت اس کرسا کیرہ۔ داوخت آ صدر مملکت خصوصی ایلچی کمال حسن علی ئِ سوڈانی سروک و الس کن نیک است خواہی تا کلہو ئِ ہم تس۔