اسلام آباد۔ 23ستمبر (اے پی پی) ایم کیو ایم نا سینیٹر بیرسٹر محمد علی سیف جنرل اسمبلی ٹی وزیراعظم نا کنڈآن کشمیری تیا بھارتی بیدادی ئِ بے پڑدہ کننگ و کشمیری تا مقدمہ ئِ گچین وڑاٹ پیش کننگ ئِ بے کچ خوش آئند گام اس گوندانے۔ جمعہ آ پارلیمنٹ ہاﺅس اٹی اے پی پی تون خصوصی ہیت وگپ کرسا اوپارے کہ کشمیری تیا بھارتی بیدادی بے کچ افسوزناک و قابل مذمت ئِ واہم اوپارے کہ اقوام متحدہ نا جنرل اسمبلی ٹی وزیراعظم نواز شریف کشمیر نا ہرامقدمہ ئِ پیش کرینے او بے کچ گچین ئِ ولے اونا دیرپا زئم آتے برقرار تخنگ کن المی مریک اقوام متحدہ تون اوار دنیا نا ہر فورم آ اونا فالو اپ کن گچین خارجہ پالیسی اس اختیار کروئی مریک تانکہ دا ویل زندہ سلے و کشمیری تے اوفتا حق خودارادیت ترفنگ مرے۔
