نیویارک۔ 22 ستمبر (اے پی پی) مزن وزیر محمد نواز شریف ئُُ ایران ئِ صدر حسن روحانی ئَ اقوام ئِ متحدہ ئِ جنرل اسمبلی ئِ دیوان ئِ موہ ئَ گند ئُُ نند کُت ئُُ دو نیمگی سیادی، پڑ ئِ جاور آل ئُُ وت مہ وتی یکوئی ئُُ ایندگہ کار آنی بابت ئَ ھیال ریچی کُت۔ دوئیں رھشون آں پاکستان ئُُ ایران ئِ نیام ئَ دو نیمگی سیادی ئِ جوانیں جتگیں گام آنی سر ئَ دلیکیمی ئِ درشان کُت۔ آئی ئَ پاک ایران گیس پائپ لائن پراجیکٹ ئِ سر ئَ دیمروئی ئِ سر ئَ دلیکیمی ئِ درشان کُت ئُُ گوشت کہ گوادر ئُُ چاہ بہار دِکہ اے پڑ ئِ سوداگری ئَ را دیمروئی دیگ ئِ تہ ئَ سک باز ارزشتی بنت۔ آئی ئَ اے گپ ئِ سر ئَ تپاک کُت کہ شام ئِ جیڈھ ئَ را ایمنی ئَ گیواری ئَ میاں اوستمانی کمک جاڑی بہ بنت۔
