نیویارک۔ 21 ستمبر (اے پی پی) مزن وزیر محمد نوازشریف ئَ گوشتگ کہ پاک چین سیادی سیاسی ئَ چہ اقتصادی نمونگ ئِ رو آ ئِ رنگ ئَ بازیں بھر آنی تہ ئَ سر بوتگ اَنت ایش پاکستان ئِ واستہ سک باز وشی ئِ گپ اَنت وھدیکہ چینی مزن وزیر ئَ تاب ئَ تاب گوشت کہ چین پاکستان ئِ گوما توامیں فورم آنی تہ ئَ پاکستان ئِ گوانگ ئَ جنت، ما کشمیر ئِ بابت ئَ پاکستان ئِ واھگ آناں ارزشت دیاں ِ ، امیت اِنت کہ میاں اوستمانی برات کشمیر ئِ بابت ئَ پاکستان ئِ واھگ آناں جوانیں رنگ ئَ سرپد باں۔ ما پاکستان ئُُ بھارت ئِ نیام ئَ یکوئی ئَ را جوانتر جوڑ کنگ ئِ ھاترا ساڑی آں۔ دوئیں رھشون آں اے ھیالانی درشان اقوام ئِ متحدہ ئِ جنرل اسمبلی ئِ دیوان ئِ موہ ئَ چار شمبے ئَ اِدا گند ئُُ نند ئِ ساھت ئَ کُت اَنت۔ مزن وزیر ئِ مشیر برائے درئی کار سرتاج عزیز، مزن وزیر ئِ ھاسیں کمک کار پہ درئی کار طارق فاطمی ئُُ درئی کارانی سیکرٹری اعزاز احمد چوہدری ئُُ ایندگر آں مزن وزیر ئِ کمک کُت۔ دوئی رھشون آں پاکستان ئُُ چین ئِ نیمگ ئَ چہ وتی اُلس ئُُ پڑ ئِ دیمروئی ئِ ھاترا ایمنی ئُُ دیمروئی ئِ یکجاھی وڑن ئِ سیادی ئَ پہ کوشست آنی سر ئَ دلیکیمی ئِ درشان کُت۔ اے موہ ئِ سر ئَ چینی مزن وزیر ئَ چیانگ ئَ گوشت کہ چین پاکستان ئِ گوما یک پاد ئَ اوشتاتگ، ما پاکستان ئِ کمک ئَ کناں ئُُ ما توامیں فورم آنی تہ ئَ پاکستان ئِ واستہ آواز ئَ چست کناں۔
