اقوام متحدہ۔ 21ستمبر (اے پی پی) خارجہ سیکرٹری اعزازاحمد چوہدری یورپی یونین نا سیکرٹری جنرل برائے خارجہ امور ہیلگا شمد تون اوڑدہی کرے و اودے بھارتی مقبوضہ کشمیر اٹی بگڑینگوک حالیت و دابارواٹی پاکستان نا گڑتی آن معلومدار کرے۔ اقوام متحدہ جنرل اسمبلی نا دیوان نا وخت آ مروک آ اوڑدہی ٹی خارجہ سیکرٹری اودے بے گناہ کشمیری تا برخلاف بھارت نا کنڈان کروک آانسانی حق انا خلاف ورزی تا بارواٹی پارے ہراتا نتیجہ ٹی 100 آن زیات بندغ شہید و 8 ہزار آن زیات ٹھپی مسنو۔ داڑے جاری اسہ بیان اسے نا رداٹ یورپی یونین پاکستان نا گڑتی تے نوشتہ کرے و پاک بھارت تعلقداری تا ساڑی آ حالیت نا بارواٹی دریافت کرے۔ اوڑدہی ٹی اوغانستان نا بارواٹی ہم درشانِ خیال کننگا۔ ہیلکا شمد اوغانستان اٹی امن نا کوشست آتا بابت پاکستان نا کڑد انا ستائِ کرے اوخارجہ سیکرٹری ئِ اکتوبر اٹی برسلز اٹی مروک آ وزارتی کانفرنس برائے اوغانستان نا بارواٹی ہم معلومدارکرے۔
