آپریشن ضرب عضب آن زہمی قطبی و سویلی وزیرستان نا اسہ لکھ بے اُرا بندغ دسمبر اسکان تینا باوہ پیرہ ہی آ علاقہ غاتیٹی رسینگرہ ، فاٹا سیکرٹریٹ

اسلام آباد۔ 19 ستمبر (اے پی پی) آپریشن ضرب عضب آن زہمی مروک آ قطبی و سویلی وزیرستان نا اسہ لکھ بے اُرا بندغ آتا خاہوت اینخو سال دسمبر اسکان پدی تینا باوہ و پیرہ ہی علاقہ غاتیٹی رسینگرہ۔ دوشنبے آ فاٹا سیکرٹریٹ نا کمامدارآک اے پی پی تون ہیت وگپ کرسا پاریر کہ آپریشن ضرب عضب آن زہمی مروک آ قطبی و سویلی وزیرستان نا صرف اسہ لکھ خاہوت آتا پدی اینخو سال دسمبر اسکان پورو مریک۔ سیکورٹی فورسز آتا کنڈآن قطبی و سویلی وزیرستان نا گڑاس علاقہ غاتا کلیئرنس سلوک ئِ واہم دسمبر آن مست دا علاقہ غاتے کلیئر کننگک اوکان گڈ ہڑتوم آ ایجنسی تا اسہ لکھ بے اُرا بندغ آتا خاہوت آتے پدی تینا علاقہ غاتیٹی گدریفنگک۔ کمامدارآتا رداٹ دابے اُرا بندغ آتے ماہانہ بنداو تیا 12ہزار روپئی کیش گرانٹ نامد اٹی تننگ انگ ئِ ولداہم ایلو علاقہ غاتیٹی پدی سرمروک آ بے اُرا بندغ آک تینا ہند آتا جوڑ جاڑ نا عمل نا بنائِ کرینو۔