اسلام آباد۔ 19 ستمبر (اے پی پی) اقوام متحدہ ٹی پاکستان نا آخبتی مندوب ڈاکٹر ملیحہ لودھی پارینے کہ پاکستان نا مقصد جہانی برادری نا مون آ کشمیر نا ویل ئِ تالان کننگ و خلقت آتا توجوہ ئِ داکنڈا ترفوئی ئِ۔ پی ٹی وی تون ہیت وگپ کرسا اوپارے کہ وزیراعظم محمد نواز شریف اقوام متحدہ نا جنرل اسمبلی آن تران اٹی جہانی برادری ئِ مقبوضہ کشمیر اٹی جاری بھارتی بیدادی و ظلم آن معلومدار کیک و اونامون آ کشمیر نا بابت گڑاس خواست آتے پیش کیک۔ ملیحہ لودھی پارے کہ تینا دورہ نا وخت آ وزیراعظم اقوام متحدہ نا سیکرٹری جنرل بان کی مون تون اوار جہانی کسرشون آتون ہم اوڑدہی کیک۔ اوپارے کہ اقوام متحدہ نا ہائی کمشنر برائے انسانی حق وزیراعظم محمد نواز شریف نا چھٹی نا تناظر اٹی مقبوضہ کشمیر اٹی اسہ ڈل اس گدریفنگ نا پارینے۔ اوپارے کہ پاکستان نا مقصد جہانی برادری نا مون آ کشمیر نا ویل ئِ تالان کننگ، خلقت آتا توجوہ ئِ داکنڈا کرفنگ و ہموڑے ساڑی سروک آتے داہیت آن معلومدار کروئی ئِ کہ دا ویل انا ایسری کن اقوام متحدہ نا کڑد انت مرے و داڑکن انت گام گیج چست کننگ نا گرج ئِ تانکہ مقبوضہ کشمیر ساڑی آ حالیت آتیان پیشن پیش تمنگ کے۔
