اسلام آباد۔ 19 ستمبر (اے پی پی) ڈسٹرکٹ اینڈ سیشن جج کامران بشارت مفتی مسکوہی چیف جسٹس افتخار محمد چوہدری نا کنڈآن پاکستان تحریک انصاف نا سروک عمران خان نا برخلاف دائر 20 ارب روپئی ہرجانہ نا داوا نا سماعت ئِ بیدس کارروائی آن 8 اکتوبر اسکان ملتوی کرے۔ دوشنبے آ عدالت مسکوہی چیف جسٹس نا کنڈآن دائر داوا ناسماعت ئِ کرے تو درخواست گزار نا وکیل عدالت ئِ پارے کہ عمران خان نا وکیل ڈاکٹر بابر اعوان ماتحت عدالت نا پنچ سد روپئی جرمانہ نا فیصلہ ئِ اسلام آباد ہائی کورٹ اٹی چیلنج کرینے۔ ہندا کیس انا فیصلہ بننگ آن پد ہی عدالت ہر جانہ کیس نا پین سماعت ئِ کننگ کیک ہراڑآ عدالت سماعت ئِ بیدس کارروائی نا 8 اکتوبر اسکان ملتوی کرے۔ یات سلے کہ مسکوہی چیف جسٹس افتخار محمد چوہدری پی ٹی آئی نا چیئرمین عمران خان نا کنڈآن بے بنداو و من گھڑت دوبہ خلنگ آ 20 ارب روپئی ہرجانہ نا داوا دائر کریسس۔
