اسلام آباد۔30جولائی ( اے پی پی) الیکشن کمیشن ئَ سندھ ئِ بازیں دمگاں زالبول ، محنت کش،غیر مسلم ءُ ورناھانی ھاترئَ بلدیاتی ادارگ آنی تہا نشستانی سرئَ اُمیت وارانی سوبمندی ئِ نوٹیفیکیشن جاری کتگ۔ الیکشن کمیشن ءِ نیمگئَ چہ شمبے ئِ روچئَ جاری کتگیں نوٹیفیکیشن ئِ تہا گشگ بوتگ کہ بلدیاتی گچین کاری ئِ تہا سندھ ئِ بازیں دمگاں ڈسٹرکٹ کونسل، میونسپل کمیٹی، ٹاﺅن کمیٹی ، میونسپل کارپوریشنز، ڈسٹرکٹ میونسپل کارپوریشنز ءُ میٹروپولیٹن کارپوریشنز ئِ تہا زالبول ، محنت کش ، درمسلم ءُ ورناھانی ھاترئََ ایر کتگیں نشستانی سرئَ بلدیاتی گچین کاریئِ تہا سوبمند بوتگیں اُمیت وارانی نامانی جار جتگ۔ الیکشن کمیشن ءِ نیمگئَ چہ بدین، دادو، گھوٹکی، حیدر آباد، جیکب آباد ، جامشورو، قمبرشہداد کوٹ ، کراچی، کشمور، خیرپور، لاڑکانہ، ملیر ، مٹیاری، میرپورخاص ءُ نوشہرو فیروز ئَ سوبمند بوتگیں اُمیت وارانی نوٹیفیکیشن جار ی کنگ بوتگ۔
