اسلام آباد۔ 28جولائی ( اے پی پی) واشنگٹن ئَ تعینات پاکستان ئِ سفیر جلیل عباس جیلانی ئَ گشتگ انتکہ امریکہ ئَ پاکستان ئِ اقتصادی دیمروی ئَ شریں نگاہ ئَ سیل کنت۔ میاں استمانی بنک، آئی ایم ایف ئُُ امریکی مالیاتی ادارگ گوستگیں سے سال ئِ وھد ئَ پاکستانئِ اقتصادی کار ئُُ کرد ئَ تسلا ئُُ اے سلسلہ ئَ شریں جبزگ داریت۔ اے گپ آئیئَ پنچ شمبے ئَ بنجاہی وزیر سینیٹر اسحاق ڈار ئِ گوں گند ئُُ نند ئِ وھد ئَ گپ ئُُ تران کنگ ئَ کرتگ۔ پاکستانی سفیر ئَ بنجاہوزیر ئَ میاں استمانی بنک ، آئی ایم ایف ئُُ امریکی مالیاتی ادارگ ئِ نیمگئَ پاکستان ئِ اقتصادی کار ئُُ کرد ئِ ھاتر ئَ ستا ئُُ شریں جبزگ ئَ آگاہ کرتگ ئُُ گشتگ کہ امریکہ ئَ ھستیں حکومت ئِ سروک آں اقتصادی پیشرفت ئَ ستا ئِ نگاہ ئَ سیل کن انت۔ آئی ئَ گشتگ کہ یو ایس انسٹی ٹیوٹ آف پیس ئُُ جان ہوپکنز یونیورسٹی ئِ ھواری ئَ امریکہ ئَ معروف تھنک ٹینک ئُُ وانگی ادارگئَ رواں سال واشنگٹن ئَ میاں استمانی بنک ئُُ آئی ایم ایف دیوان ئِ موہئَ بنجاہی وزیر خزانہ اسحاق ڈار ئَ دعوت دئیگ ئُُ پاکستان ئِ اقتصادی سر سوبی آنیباروا تران کنگ ئَ باز دلچسپی درشانی کرتگ انت۔ بنجاہی وزیر ئَ سالانہ دیوان ئِ موہ ئَ امریکی تھنک ٹینک ئِ گوں رابطہ ئِ ھاترئَ بند ئُُ بست کنگ ئِ واہشت ئِ درشانی کرتگ۔ سفیر جیلانی ئَ بنجاہی وزیر ئَ اسلاما ٓباد بوﺅکیں پاکستانی سفیر آنی اکنفرنس ئِ باروا ہم آگاہ کرتگ۔ بنجاہی وزیر ئَ پاک امریکہ اقتصادی ھاسیں واپاری سیادی ئَ دیمروی دئیگ ئَ سفیر جلیل عباس جیلانی ئِ کوشست آں سہڑائینتگ۔
