پاک چین اقتصادی راہداری منصوبہ ءُ گوادر پورٹ ئِ جوڑبوھگئَ چہ بلوچستانئِ تہا وشھالی کیئت
اسلام آباد۔26جولائی ( اے پی پی) صدر ممنون حسین ئَ بلوچستان ئَ دیم روئی کارانی سرئَ سدکّی ئِ درشانی کتگ ءُ گشتگ کہ پاک چین اقتصادی راہداری منصوبہ ءُ گوادر پورٹئِ جوڑ بوھگئَ چہ بلوچستانءِ تہا وشھالی کیئت۔ اے گپ آئی ئَ گورنربلوچستان محمد خان اچکزئی ئِ گوما سئے شمبے ئِ روچئَ ایوان صدر ئَ گند ئِ نندئِ وھدئَ کتگ۔ گورنر بلوچستان ئَ صدر ئَ را بلوچستان ئِ جاورھال ئِ ھوالگئَ شونشت داتگءُ گشتگ کہ بلوچستانئِ تہا امنءُ ایمنی ئِ جاورھال گہتر بوتگ۔ ملکءِ صدرئَ بلوچستان ئِ سیکیورٹی ئِ جاورھال ئِ سرئَ سدکّی ءِ درشانی کتگ ءُ گشتگ کہ حکومت خطہ ئِ تہا امنءُ ایمنی ئِ ھاترئَ کوشست کنگئَ اِنت۔ ملک ئِ صدر ئَ گشتگ کہ حکومت بلوچستان ئَ را دومی صوبہ آنی ھم کچ کنگئِ ھاترئَ گامگیج کنگئَ اِنت۔ ملک ئِ صدرئَ گشتگ کہ پاک چین اقتصادی راہداری منصوبہ ءَ چہ بلوچستان ئِ تہا امنءُ ایمنی ئِ کشک پچ بنتءُ آھودے ورناھانی ھاترئَ روزگار ئِ نوکیں موھ دست کپ اَنت کہ ایشی ئَ چہ آھانی زندانی تہا مٹی کیئت۔
