اسلام آباد۔ 26جولائی ( اے پی پی) دیمپانی تجزیہ کار لیفٹیننٹ جنرل (ر) رضا محمد خان ئَ گشتگ کہ پاکستان اوگانستان ئِ تہامھکمیں امنءُ ایمنی ئِ واھشت مند اِنت۔ ریڈیو پاکستانئِ گوما گپ ءُ تران کنانئَ آئی ئَ گشتگ کہ اے گپئِ سرئَ کسئَ را شک کنگ نہ لوٹ ایت کہ پاکستان اوگانستانئِ تہا مھکمیں امن ءُ ایمنی ءِ واھشت مند اِنت۔ آئی ئَ گشتگ کہ آئی ئَ را کابل ئَ ناشرکاری اُرش ئِ تہا گران بہاھیں جانانی تاوان بوھگئِ سرءَ سک باز اپسوز اِنت ۔ آئی ئَ گشتگ کہ اوگانستان ئَ امنءُ ایمنی ئِ جوڑ کنگئِ ھاترئَ دوھیں ملک آنی حکومت آں یک جاھ بوھگءُ کار کنگءِ ضلورت اِنت۔ لیفٹیننٹ جنرل رضا محمد خانئَ گشتگ کہ پاکستان ئِ تہا نندوکیں باز اوگان لڑءُ بار کنوک جرم ئِ تہا ھوار اَنت۔ آئی ئَ گشتگ کہ پاکستان ئَ چہ اوگان لڑ ءُ بار کنوکانی امن ءُ ایمنیں وڑے ئَ در کنگ باز ضلوری اِنت ۔ ملا منصور ئِ ھوالگئَ جست کتگیں جُستئِ پسو ئَ دیئانءَ آئی ئَ گشتگ کہ آئی ئِ بیرانی ئَ چہ اوگانستان ئَ امن ءُ ایمنی جوڑ کنگئِ دراھیں کوشستاناں تاوان رسیتگ۔
