راولپنڈی۔ 26جولائی( ا ے پی پی) چیف آف آرمی سٹاف جنرل راحیل شریفئَ قاہرہ ئَ مصر ئِ صدر عبدالفتاح السیسی ئَ گوں گندءُ نند کتگ۔ گندءُ نندئِ تہا آئی ئَ دمگی سلامتی ئِ جاورھال ءُ گیش بوتگیں جیڑھ ءُ جنجالانی سرئَ ھیالءُ لیکہ ئِ درشانی کتگ۔ آئی ایس پی آر ئِ ڈی جی لیفٹیننٹ جنرل عاصم سلیم باجوہ ئِ ٹویٹ ئِ تہا گشگ بوتگ کہ گندءُ نندئِ تہا مصر ئِ صدر عبدالفتاح السیسی ءَ دمگی سلامتی ءُ ناشرکاری ئِ ھلاپ ئَ پاک فوج ئِ کوشستاناں ساڑاتگ۔ آرمی چیف ئَ مسلم امہ ئِ سرئَ زور پِر داتگ کہ آ ناشرکاریئِ ھلاس کنگئِ ھاترئَ یک جاھ بہ بنت ءُ وتی کردئَ پیلو بہ کن اَت۔ ایشی ئَ چہ پیسر آرمی چیف جنرل راحیل شریف ئَ جامعہ الازہر یونیورسٹی ئِ سروک شیخ الازہر ئَ گوں گندءُ نند کتگ ۔ آئی ئَ ناشرکاری ئِ ھلاپ ئِ جنگئَ پاکستان ئِ کوشستاناں ساڑاتگ۔

متعلقہ مضامینمصنف کی طرف سے مزید