اسلام آباد۔ 26جولائی ( اے پی پی) صدر ممنون حسین ئَ گشتگ کہ ملک ئِ تہا جوانیں ڈاکٹر پیداک کنگئِ ھاترئَ میڈیکل ئِ وانگءُ زانگئَ را گیش جوان ترکنگئِ ضلورت اِت تنکہ لس مھلوک ئَ را جان ءُ سلامتی ئِ جوانیں آسراتی دست بہ کپ اَنت۔ اے گپ آئی ئَ سئے شمبے ئِ روچئَ یونیورسٹی آف میڈیکل سائنسز ئِ وائس چانسلر لیفٹیننٹ جنرل سید محمد عمران مجید ئَ گوں ایوان صدر ئَ گندءُ نندئِ وھدئَ کتگ ۔ صدر ئَ لیفٹیننٹ جنرل سید محمد عمران مجید ئَ را نیشنل یونیورسٹی آف میڈیکل سائنسز ئِ وائس چانسلر جوڑ بوھگئِ سرئَ مراد بات داتگ۔ آئیئَ اُمیتئِ درشانی کتگ کہ نیشنل یونیورسٹی آف میڈیکل سائنسز میڈیکل ئِ پڑ ئِ تہا گیش گامیگج چست کنگ بیت۔ صدر ءَ گشتگ کہ میڈیسن ئِ پڑئَ اِزمت بنی آدم ئِ اِزمت اِنت ءُ ایشی ئَ گوں بندوکیں مردماناں وتی زمہ واریاں بنی آدم ئِ اِزمت سرپد بہ بنتءُ پیلو بہ کن اَنت۔
