لاہور۔ 24جولائی ( اے پی پی) چیئرمین پنجاب منرل ڈویلپمنٹ کارپوریشن (پنجمن) میاں نعمان کبیر ئَ گشتگ کہ پنجابئِ سروزیر محمد شہباز شریف ئَ پاک چین راہداری منصوبہ ئِ ھاترئَ ریک ءُ بجری ئِ لیز ئِ وت واجہی محکمہ ئَ را دیئگ بوتگ کہ ایشی ئَ چہ ادارگ ئَ را ارباں کلدار ئِ پاھدگ بیت۔ اے گامیگج ئَ چہ زرکارانی ھاترئَ نوکیں باپاری موھ ءُ ہزارانی کساسئَ روزگار ئِ موھ پیداک بنت۔ اے ھیالانی درشانی آئی ئَ افسر آنی اجلاس ئِ گوما تران کنانئَ کتگ۔ اے موھئِ سرئَ کارپوریشن ئِ سینئر افسرھم ساڑی بوتگ اَنت۔ میاں نعمان کبیر ئَ گشتگ کہ پنجابئِ سروزیر ئِ پنجمن ئِ اوست کنگئَ مہ آئی ئِ منت وار اَنت ءُ آئی ئَ را اوست دیئنت کہ ریک ءُ بجری ءَ را لیز ئِ سرئَ دیئگ ئِ دراھیں بھرآں ساپ ءُ سلّہ وڑیں ئَ کنگ بنت۔ آئی ئَ گشتگ کہ باز زوت نیشنل ءُ ملٹی نیشنل کمپنی آں گوں اے ھوالگئَ ٹینڈر ھاسل کنگ بنت ءُ کانود ئِ سرئَ ترندی ئَ عمل کنانئَ دراھیں کار ٹھینگ بنت۔ آئی ئَ گشتگ کہ پنجمن ئَ واد ئِ چاتانی پیداوارئَ سئے درسد گیش کنگئِ منصوبہ بندی کنگ بوتگ۔ اے وھدئَ خوشاپ، کھیوڑہ ءُ جوہر آباد ئَ چاتاں چہ 2ءَ چہ 3ہزار ٹن واد ھمک روچ پھجارینگ ئَ اِنت کہ ایشی ئَ را نوکیں لوٹانی ھساب ئَ گیش کتگءُ 9ہزار ٹن ھمک روچی بنیاتئَ کنگ بیت۔
