اسلام آباد۔ 21جولائی (اے پی پی) چیف سیکرٹری آزاد کشمیر سلطان سکندر پارینے کہ ووٹنگ نا عمل نا وخت آ غاو تا ازالہ ئِ کننگک۔ پی ٹی وی تون ہیت وگپ کرسا اوپارے کہ آزاد کشمیر کانود ساز اسمبلی نا گچین کاری تیکن پولنگ پرسکون چاگڑداٹی جاری ئِ غٹ پولنگ اسٹیشن آتیارش ئِ۔ گچین کاری تے پرامن جوڑ کننگ کن سیکورٹی نا سخت و فول پروف بست و بند کننگانے ایڈمنسٹریشن پولیس و ایلو سیکورٹی فورس انا نیام اٹ پورو ہم آہنگی ئِ۔ اوپارے کہ حالیت آتیا کنٹرول کن ہر پولنگ اسٹیشن آ پولیس و فوج انا کوئیک رسپانس فورس انا کارندہ غاتے تعینات کننگانے۔ اونا باوجود اومیت دار یا سیاسی جماعت اسینا کنڈآن غاو ملا تو اونا ازالہ ئِ کننگک۔ اوپارے کہ دامسخت کن غٹ حکومتی ادارہ اوفتا دفترآک ملوک ئُ۔
