اسلام آباد۔ 20جولائی ( اے پی پی) بنجاہی ھبر رساں ادارگ ایسو سی ایٹڈ پریس آف پاکستان ئِ منیجنگ ڈائریکٹر مسعود ملک ئَ گشتگ انتکہ تحریک آجوئی کشمیر ئَ مظلوم کشمیری اُلس ئِ جہد ئُُ قربانی ئَ زورگ ئِ ھاتر ئَ پاکستانی میڈیا شریں کرد پیش داشت کنت، میڈیا ئَ درستیں جیڑھ آں یک نیمگ ایر کنگ ئَ میاں استمانی ضمیر ئَ جھنجوڑگ بیت ئُُ کشمیری اُلس ئِ سرا بھارتی مظالم ئُُ چیرہ دستی ئَ دارگ ئِ ھاتر ئَ صحافی آں سرجمیں وڑ ئَ توار برز کنگ بیت۔ پاکستان مقبوضہ کشمیر ئِ اُلس ئِ ہر پڑ ئَ حمایت برجاہ دارگ بیت۔ بھارتی مظالم آنی ھلاپ مقبوضہ کشمیر ئِ اُلس وتی جرات مندانہ تحریک ئِ آسر ئَ ضلورت فتح یات بیت ئُُ آھاں زوت آجوئی بہ رسیت، آ چار شمبے ئَ اے پی پی ہیڈ کوارٹر ئَ کشمیری آں گوں یکجہتی ئِ درشانی ئُُ مقبوضہ کشمیر ئَ معصوم اُلس ئِ سرا بھارتی مظالم ئِ ھلاپ یوم سیاہ ئِ پڑ ئَ دعائیہ دیوان ئَ تران کنگ ئَ ات۔ منیجنگ ڈائریکٹر اے پی پی ئَ وتی تران ئَ کشمیری اُلس ئِ گوں سرجمی ئَ یکجہتی ئِ درشانی کنگ ئَ گشتگ کہ کشمیری اُلس ئَ بھارتی مظالم ئِ آئی ئِ جرات ئُُ دلبڈی ئِ گوں مقابلہ کرتگ انت ایشی ئِ آسر ءآ ضلور فتح یاب بیت ئُُ مقبوضہ جموں ئُُ کشمیر بھارتی تسلط ئَ زوت آجو بیت۔ آئی ئَ گشتگ کہ آ روچ دور نہ انت کجام وھد ئَ کشمیری اُلس ہم دومی راج آنی وڑ ئَ با وقار وڑ ئَ وتی آجوئی گوازینیت۔ مسعود ملک ئَ گشتگ کہ کشمیر ئِ آجوئی پاکستان ئِ سرجمی ئِ کار انت۔ بابائے راج قائد اعظم محمد علی جناح ئَ کشمیر ئَ پاکستان ئِ شہ رگ گشتگ ات ئُُ ایشی ئِ آجوئی ئَ بر صغیر ئِ بہر ئُُ بانگ سر جم نہ بیت۔ آئیءَ گشتگ کہ کشمیری آں وتی قربانی ئَ تحریک آجوئی ئَ زندگ داشتگ انت۔ اے چیر دئیگ ئِ غاصبانہ کوشست ئَ ابید کشمیری آں بے سر ئُُ سامانیئُُ یک مزنیں طاقت ئِ پشت پناہی ئَ ابید جبر ئُُ استبداد کار بہادری ئَ مقابلہ کرت انت۔ آئی ئَ گشتگ کہ پاکستان ئِ سیاسی ئُُ عسکری سروک آں ہر پڑ ئَ کشمیر ئِ معاملہ زرت انت ئُُ ایشی ئَ پاکستانی اُلس ئِ ہم بھر پور حمایت گپت انت۔ آئی ئَ گشتگ کہ پاکستان کشمیری اُلس ئِ جہد ئِ حمایت برجاہ دارگ بیت۔ اے سلسلہ ئَ میڈیا ئِ کرد باز ھاس انت۔ ایسو سی ایٹڈ پریس آف پاکستان ( اے پی پی) کشمیر ئِ مسئلہ ئَ زورگ ئِ ھاتر ئَ سرجمیںکرد ادا کنگ ئَ انت۔ آئی ئَ گشتگ کہ ڈنی ملک ہم اے پی پی ئِ نمائندگ کشمیر ئِ ھوالہ ئَ سرجمیں کوریج کنگ ئَ انت۔ کشمیر ئِ کاز ئَ دیما برگ ئِ ھاتر ئَ کل آں کرد ادا کنگ بیت۔ دیما نیشنل کونسل آف رائٹرز ئِ صدر ئُُ معروف کالم نگار نیئر سرحدی ئَ وتی تران ئَ اے پی پی ئِ نیمگ ئَ یوم سیاہ ئِ پڑئَ دیوان اڈ دئیگ ئَ سہڑائینگ ئَ گشتگ کہ یک نیمگ ئَ مقبوضہ کشمیر ئَ کشمیری مجاہد وتی حق وت واجہی ئِ ھاتر ئَ جہاد کنگ ئَ انت ئُُ دومی نیمگئَ شما قلم ئَ جہاد کنگ ئَ انت۔ آئیءَ گشتگ کہ بھارت ئَ مقبوضہ کشمیر ئِ اُلس ئِ سرا کجام مظالم دارگ ئَ انت آ اقوام متحدہ عالم ئِ ھاتر ئَ لمحہ فکریہ انت۔ آئی ئَ گشتگ کہ اقوام متحدہ ئَ اے نیمگ ئَ دیان دئیگ ئَ وتی کِر ئَ کرتگیں قرار داد آنی ردا مسئلہ کشمیر ئِ ھل ئِ ھاتر ئَ ادا کنگ لوٹیت۔ ڈائریکٹر کوآرڈینیشن اے پی پی محمد نعیم چوہدری ئَ گشتگ کہ پاکستان ئَ کشمیری آنی ھق ئَ ہر وھد ئَ توار چست کرتگ ئُُ کشمیری آنی آجوئی رسگئَ ہر پڑئَ آھانی حمایت کنگ بیت۔ا ٓئی ئَ گشتگ کہ درستیں ملک ئَ یوم سیاہ گوازینگ اے گپ ئِ ثبوت انت کہ مئے دل کشمیری اُلس ئِ گوں ترپیت۔ لہتیں وھد ضلور لگیت بلے آھری فتح کشمیری آنی بیت۔ ڈائریکٹر نیوز اے پی پی محمد اکرم ملک ئَ وتی خطاب ئَ گشتگ انت کہ اقوام متحدہ ئِ قرار داد آنی ردا کشمیری اُلس ئَ ھق وت واجہی رسگ لوٹیت۔ آئی ئَ گشتگ کہ کشمیر پاکستان ئِ شہ رگ انت ، آ وھد ضلور کیت کجام وھد ئَ کشمیری آں آھانی ھق بہ رسیت۔ دیوان ئِ ھلاسی ئَ منیجنگ ڈائریکٹر اے پی پی مسعود ملک ئَ کشمیر ئِ شہدا کشمیری آنی جہد ئِ سر سوبی ئُُ زوت آجوئی ئِ ھا تر ئَ ھاسیں دعا کنائینتگ۔ اے موہ ئَ اے پی پی ئِ ملازم ئُُ افسر آں کشمیری برات آں گوں یکجہتی ئِ درشانی ئُُ مقبوضہ کشمیر ئَ بھارتی مظالم آنی ھلاپ احتجاج ئِ وڑ ئَ دست آں سیاہ پٹی بستگ ات انت۔
