اسلام آباد۔ 20جولائی ( اے پی پی) بنجاہی وزیر منصوبہ بندی ئُُ دیمروی احسن اقبال ئَ گشتگ انت کہ تاں 2025ئَ پاکستان ئَ دگنیا ئِ اولی 25معیشت آں ھوار بہ کناں۔ راج ئِ دیمروی نالی یا سڑک جوڑ کنگ ئَ نہ دراجیں روڈ میپ ئِ ذریعہ ئَ ممکن انت۔ اے آ تجربت انت کہ آ ماں چین ئَ سکھگ ئَ انت۔ پاکستان ئِ ھواری ئَ مسلم ملک آں دگنیا ئَ وتی جہت جوڑ کنگ ئِ ھاتر ئَ وانگ ئُُ زانگ ئُُ پٹ ئُُ پول ئِ گوں وتی رشتگ جوڑینگ بیت۔ مزنیں مردم ہر وھد ئَ جہل ئِ طبہ ئَ پیداک بیت انت۔ اشرافیہ ئِ زاھگ سیٹس ئَ پیداوار انت۔ ہمے وجہ انت ھستیں حکومتئَ سائنس ٹیلنٹ فارمنگ سکیم ئِ دائرہ کار الما سرکاری سکول آں محدود ایر کرتگ انت۔ا ودا آسراتی ئَ محروم لس مردم آنی زاھگ وان انت۔ اے گپ آئی ئَ چار شمبے ئَ پاکستان سائنس فاﺅنڈیشن ئِ بند ئُُ بست ئَ سائنس ٹیلنٹ فارمنگ سکیم ئِ دیوان ئَ تران کنگ ئَ کرتگ۔ احسن اقبال ئَ گشتگ کہ مرچی ئَ چار سد سال دیما صنعتی آشوب ئَ دیمروی نوک منتگ متعین کرتگ ات انت بلے مرچی اے سسٹم ہم دم پُروشگ ئَ گندگ بوھگ ئَ انت ئُُ آئی ئِ جاگہ نالج ئِ بنیات ئِ سرا قائم سسٹم گرگ ئَ انت۔ آئیئَ گشتگ کہ نوں ہما راج زندگہ مانیت آئی ئِ کِر ئَ علم کار مرز کنگ ئِ زانتکاری بیت۔ ہمے اصول آنی ردا ماں وژن 2025ئِ بنیات ایر کرت انت۔ احسن اقبال ئَ گشتگ کہ راج ئِ دیمروی نالی یا سڑک ئَ جوڑ بوھگ ئَ نہ بیت بلکں بدلی آرگ ئِ ھاتر ئَ دراجیں منصوبہ ئِ ضلورت انت۔ چین ئِ معمار آں ملک ئِ حلیہ بدل کرتگ انت ماں ہم 1998ئَ دراجیں منصوبہ ئِ بنیات ایر کرتگ ات انت بلے جنرل پرویز مشرف ئَ آھگ ئَ چہ درستیں منصوبہ آں کوڑے دان ئَ مان کرتگ۔ آئیءَ گشتگ کہ 1998ئَ ملک ئَ 350پی ایچ ڈی ات انت بلے مرچی ملک ئَ پی ایچ ڈی ئِ کساس 7500ئَ تجویز کرتگ انت آئی ئَ گشتگ کہ تاں 2025پاکستان ئَ دگنیا ئِ اولی معیشت ئَ ھوار بہ کن انت۔ پد منتگی دور کنگئِ ھاتر ئَ مارا زیات محنتئِ ضلورت انت۔ حکومت انفراسٹرکچر ئِ ھواری ئَ وانگئُُ زانگ ئُُ توانائی ئِ بازیں منصوبہ بندات کرتگ انت۔ سائنس ئُُ ٹیکنالوجی ئَ دوری مئے پد منتگی ئِ بنیاتی وجہ انت۔ آئیءَ گشتگ کہ مرچی ئِ پاکستان سے سال دیمے پاکستان ئَ باز شر انت۔
