حکومت ئَ بلوچستان ئَ را ملک ئِ دگہ دمگانی ھم کچ کنگئِ ھاترئَ جزمءُ اُلس ئِ زندمان ئَ را بُرز کنگئِ ھوالگئَ دیم روئی کارانی سرئَ دلگوشی کتگ
اسلام آباد۔ 20جولائی ( اے پی پی) صدر ممنون حسین ئَ گشتگ کہ حکومت بلوچستان ئَ ر ا ملکئِ دگہ دمگانی گوما ھم کچ کنگئِ ھاترئَ جزم ءُ اُلسئِ زندمان ئَ را بُرز کنگئِ ھاترئَ دیم روئی کارانی سرئَ دلگوشی کنگئَ اِنت۔ آئی ئَ اے گپ بلوچستان اسمبلی ئِ دارچین راحیلہ حمید خان درانی ئِ گوما گپ ءُ تران کنانئَ چارشمبےئِ روچئَ ایوان صدرئَ آئی ئِ گوما گندءُ نندئِ وھدئَ کتگ۔ صوبہ ءِ تہا امنءُ ایمنی ئِ گہتریں جاور ئِ سرئَ سدکّی ئِ درشانی کتگءُ صدر ئَ گشتگ کہ گوادر دھکہ ئِ فعال بوھگءُ پاک چین اقتصادی راہداری ئِ سرجمی ئَ چہ بلوچستان ئَ دیمروئیءُ وشھالیئِ نوکیں کشک پچ بنت۔ آئیئَ گشتگ کہ بلوچستان ئَ کاروباری ءُ باپاری کارانی بحالی ءَ چہ روزگارئِ موھ پیداک بنتءُ صوبہ دیم روئی ئِ کشکئَ رھادگ بیت۔ صدرئَ صوبہ ئِ تہا جمہوریت ئِ گیش مھکمی ئَ بلوچستان اسمبلی ئِ دارچین ئِ ارزشتئَ بانک راحیلہ حمید خان درانی ئِ کردئَ را ساڑاتگ۔
