کشمیری تا جہد آجوئی ئِ بدترین بھارتی جبرہم چٹفنگ کتو ، حق خودارادیت نا پبی مخ تفی ئِ برجاءتخنہ، بنجائی وزیر ریلوے خواجہ سعد رفیق

اسلام آباد۔ 19جولائی (اے پی پی) بنجائی وزیر ریلوے خواجہ سعد رفیق پارینے کہ کشمیری تا جہد آجوئی ئِ بدترین بھارتی جبر ہم چٹفنگ کتو، کشمیر ی تا حق خودارادیت نا پبی مخ تفی ئِ برجاتخنہ۔ مقبوضہ کشمیر نا آجوئی تحریک پاکستان نا ناپورو ایجنڈہ ئِ۔ سے شنبے آ تینا اسہ بیان اٹی بنجائی وزیر پارے کہ بھارت نا ریاستی دہشت گردی نا گواچی کشمیری تے تینا دفاع کننگ نا بنداوی حق دوئی ئِ۔ ڈیہہ ٹی سوگو امن کن دنیا ئِ کشمیری تا توار ئِ خف توروئی مریک۔ اوپارے کہ کشمیر اٹی ظلم ، بھارتی جمہوریت نا دروشم ئِ داغدار کننگ ئِ۔