نائب مزن وزیر اسحاق ڈار ءَ کرغزستان ءِ دری کارانی وزیر ءَ گوں گند ءُ نند کت، دو نیمگی سیادی ءَ را گیش مھکم کنگ ءِ  جزم ءِ درشان

بشکیک۔2ستمبر  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ چار شمبے ءِ روچ ءَ کرغزستان ءِ درئی کارانی وزیر ژینبک کولوبایف ءَ گوں بشکیک ءَ مزن وزیر محمد شہباز شریف ءِ گوں کرغزستان ءِ صدر سدیر ژاپاروف ءَ گند ءُ نند ءَ چہ پیسر گند ءُ نند کت۔ درئی کارانی کارگس ءِ رد ءَ نائب مزن وزیر ءَ درئی کارانی وزیر کولوبایف ءَ را کرغزستان ءِ شنگھائی کمکی گل ءِ تہ ءَ سوبمندیں ھوار بوھگ، ایس سی او ءِ سروک دیوان ءِ جوانیں میزبانی ءُ ششمی جھان ءِ کوچگی فورم ءِ بنگیج ءِ مراگش ءِ سوبمندیں برجم دارگ ءِ سر ءَ مبارک بات داتگ۔ آئی ءَ ایس سی او ءِ ایجنڈا ءَ را دیم ءَ برگ ءِ تہ ءَ کرغزستان ءِ عزم ءِ توسیپ کت۔ نائب مزن وزیر ءَ تجارت، سرمایہ کاری، توانائی، رابطہ، دمگی ایمنی ءِ سر ءَ دلگوشی دیگ ءُ مردم آنی نیام ءَ رابطہ آناں دیمروئی دیگ ءِ واستہ پاکستان ءِ جزم ءِ سر ءَ یک رندے پدا گوشت۔ کرغزستان ءِ دری کارانی وزیر کولوبایف ءَ پاکستان ءَ را 27-2026ءِ واستہ ایس سی او ءِ کونسل آف ہیڈز آف ہیڈز ءِ چیئرمین شپ ءِ ذمہ واری ءِ سر ءَ مبارک بات دات ءُ دل یکیمی ءِ درشان کت کہ پاکستان تنظیم ءِ ایجنڈا ءَ را دیم ءَ برگ ءِ واستہ جوانیں کمک ءَ کنت۔ آئی ءَ پاکستان ءِ گوما کرغزستان ءِ نزیکیں ءُ دوستی ءِ سیادی ءِ ذکر کت ءُ وت مہ وتی مفاد ءِ شوبگ آنی تہ ءَ دو نیمگی کمک ءَ را گیش وسعت دیگ ءِ واستہ تیاری ءِ درشان کت۔ دوئیں نیمگ ءَ دمگی ءُ میاں اوستمانی جاور ھال ءِ سر ءَ ھم ھیال ءُ لیکہ ءِ درشان کنگ بوت ءُ امن، برجائی ءُ یکجائی وشھالی ءِ دیمروئی ءِ واستہ ایس سی او ءُ ایندگر کثیر نیمگی فورم آنی تہ ءَ نزیکیں رابطہ ءِ برجاہ دارگ ءِ سر ءَ تپاک کنگ بوت۔ نائب مزن وزیر ءِ ھمراھی ءَ وفاقی وزیر رسانک عبدالعلیم  خان، وفاقی وزیر تجارت جام کمال خان، مزن وزیر ءِ دری کارانی ھاسیں کمکار طارق فاطمی ءُ دری کارانی سیکرٹری آمنہ بلوچ ءِ ھمراھی ءَ ھوار ات۔