مزن وزیر شہباز شریف ءِ کرغزستان ءِ تر ءُ تاب ءِ وھد ءَ 17 دو نیمگی دستاویزات ءِ سر ءَ دستخط کنگ بوتگ ، نائب مزن وزیر اسحاق ڈار

اسلام آباد۔2ستمبر  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءَ گوشت کہ مزن وزیر محمد شہباز شریف ءِ کرغزستان ءِ تر ءُ تاب ءِ ساھت ءَ مرچی 17دو نیمگی دستاویزات ءِ سر ءَ دستخط کنگ بوتگ ایشی ءِ تہ ءَ مزن وزیر شہباز شریف ءُ کرغزستان ءِ صدر ظہارود ءِ یکجائی بیان ھم ھوار اِنت۔ چار شمبے ءِ روچ ءَ سوشل نیٹ ورکنگ پلیٹ فارم فارم ایکس ءِ سر ءَ جاڑی بوتگیں بیان ءِ تہ ءَ نائب مزن وزیر ءَ گوشت کہ اے کاگد آنی تہ ءَ ٹرانزٹ ٹریڈ، حوالہ جات، وت مہ وتی کانودی کمک، منشیات ءِ گر  ءُ دار، وانگ ءُ زانگ، سائنسی پٹ ءُ پول ءُ تبادلہ، موسمی مٹ ءُ بدل، سائنس ءُ ٹیکنالوجی ءِ کمک ءُ اے دگہ ھاسیں پڑ آنی سر ءَ احاطہ کنگ بوتگ۔ نائب مزن وزیر ءُ درئی کارانی وزیر جنئر محمد اسحاق ڈار ءَ گوشت کہ آئی ءَ چار دستاویز آنی سر ءَ دستخط کتگ ایشی ءِ تہ ءَ پاکستان ءُ کرغزستان ءِ درئی کار آنی وزارت آنی نیام ءَ کمکی پروگرام، حوالگ ءِ معاہدہ، وت مہ وتی کانودی کمک ءِ معاہدہ ءُ سائنسی پٹ ءُ پول ءُ تبادلہ ءِ ھوالگ ءَ مفاہمت نامہ ھوار اَنت۔ آئی ءَ گوشت کہ دوئیں ملک آناں دو نیمگی تجارت ءِ کساس ءَ را 20 کروڑ  ڈالر ءَ سر کنگ ءِ وتی جزم ءِ ھم پدا پدر کتگ۔ اسحاق ڈار ءِ رد ءَ اے معاہدہ دوئیں ملک آنی نیام ءَ ادارہ جاتی سیادی ءَ را گیش مھکم کنت ءُ وت مہ وتی سیت پائدگ مندیں کمک ءِ واستہ نوکیں موہ پیداک کنت۔