54می مشترکہ تربیت پروگرام (سی ٹی پی) ءِ تربیت گپتگیں مردم وزارت ءِ اطلاعات ءِ ڈیجیٹل کمیونیکیشن ءِ محکمہ ءِ تر ءُ تاب ءَ کن انت، مشترکہ تربیت پروگرام سرکاری افسر آنی پیشہ وارانہ مہارت ءُ جوانیں سرکاری خدمت ءَ را گیش کنگ ءِ تہا مزنیں کردے پیلو کنگ ءَ انت، عطا اللہ تارڑ

اسلام آباد۔23اگست  (اے پی پی): 54می مشترکہ تربیتی پروگرام ءِ 217 تربیت گپتگیں مردماں وزارت ءِ اھوالکاری ءُ نشریات ءِ ڈیجیٹل کمیونیکیشن ءِ محکمہ ءِ تر ءُ تاب کتگ ءُ وفاقی وزیر اھوالکاری ءُ نشریات عطا اللہ تارڑ ءَ گوں گند ءُ نند کتگ۔ ڈل ءِ تہ ءَ 217 آزمائشی (117 مرد ءُ 100 جنین) ھوار بوتگ اَنت کہ آ وفاقی حکومت ءِ 12 جتا جتائیں پیشہ وارانہ گل / سروسز ءَ گوں سیادی دار اَنت۔ تربیت گپتگیں مردماں وزارت ءِ اطلاعات ءُ نشریات ءِ کرد، سرکاری رابطہ، راجی بیانیہ ءِ جوڑ کنگ ءُ دیمروئی، ڈیجیٹل کمیونیکیشن، الس ءِ سرپدی ءُ ردیں زانتکاری ءِ ھلاپ ءَ جنگ ءِ بابت ءَ سرجمیں بریفنگ دیگ بوتگ ءُ ردیں زانتکاری ءِ ھلاپ ءَ جنگ ءُ الس ءِ ھوار بوھگ ءِ بابت ءَ سرپد کنگ بوتگ۔ وفاقی وزیر ءِ اھوالکاری ءَ ٹرینی افسر آنی گوما بدل بوھوکیں میڈیا ءِ ندارگ ءِ سر ءَ تران کنان ءَ گوشت کہ کامن ٹریننگ پروگرام سرکاری افسر آنی پیشہ وارانہ مہارت آنی تہ ءَ گیشی ءُ جوانیں پبلک سروس ءِ تہ ءَ المی کرد پیلو کنگ ءَ اِنت۔ عطا اللہ تارڑ ءَ گوشت کہ جوانیں حکومتی رابطہ کاری شفافیت ءِ دیمروئی، الس ءَ را راستیں ھال آنی پجاری ءُ سرکاری ادارگ آنی سر ءَ الس ءِ دل یکیمی ءَ را گیش مھکم کنگ ءَ ھاسیں کرد پیلو کنت۔ آئی ءَ گوشت کہ استیں ڈیجیٹل دور ءَ ردیں ھال ءُ اھوال ءُ گمراہ کنوکیں مواد ءِ جوانیں گیواری المی اِنت، ایشی ءِ واستہ پیشہ وارانہ، بروقت ءُ ذمہ واریں رابطہ کاری ءِ حکمت عملی ءِ زورگ المی اِنت۔ عطا اللہ تارڑ ءَ گوشت کہ ورنائیں افسر پاکستان ءِ ازمت ءَ گوں دلجمی، جزم ءُ زمہ واری ءِ احساس ءَ بہ کن اَنت ءُ ایمانداری، پیشہ وارانہ ءُ راجی نپ ءِ گوما وتی سرکاری فرز ءَ پیلو بہ کن اَنت۔ ڈل ءَ را ڈیجیٹل کمیونیکیشن ءِ وسیلگ ءَ الس ءَ را سر بوھگ ءِ رھبند، راجی پالیشی ءُ حکومتی گامگیج آنی بابت ءَ ھم سرپد کنگ بوت۔ ویں مشترکہ تربیت پروگرام ءِ چیر دستی ءَ تربیت ءِ تہ ءَ روگ ءَ افسراں ڈیجیٹل کمیونیکیشن ڈیپارٹمنٹ ءِ نیمگ ءَ داتگیں بریفنگ ءَ را کارآمد لیک اِتگ ءُ سرکاری کمیونیکیشن ءُ ڈیجیٹل میڈیا ءِ کرد ءِ تہ ءَ سک باز دلگوشی ءِ درشانی کتگ۔