پاک فوج ئِ کاروائیئِ تہا 3ناشرکاری بیران
اسلام آباد۔ 19جولائی ( اے پی پی) سندھ مزن آمید گس ئِ چیف جسٹس ئِ آوار جتگیں بچ اویس شاہ ئَ را بحفاظت درگیجگ بوتگ۔ سئے شمبے ئِ روچئَ یک جندی ٹی وی چینلئِ تہا گشگ بوتگ کہ ڈی جی آئی ایس پی آر عاصم سلیم باجوہ ئَ وتی ٹوئٹ ئِ تہا گشتگ کہ چیف جسٹس سندھ مزن آمید گس ئِ چیف جسٹس ئِ بچ اویس شاہ ایڈووکیٹ ئَ را صوبہ خیبر پختونخوا ئِ دمگ ٹانکئَ یک آپریشنے ئِ تہا درگیجگ بوتگ۔ چیر اندریںھال ئِ بنیاتئَ کتگیں کاروائی ئِ تہا 3ناشرکار ھم بیران بوتگ اَنت۔ پاک فوج ءِ جارچین ئَ گشتگ کہ اویس شاہ سیکیورٹی فورس آنی حفاظتئَ اِنت ءُ اویس شاہ ئَ را زوت ھاندانئِ ھوالگ کنگ بیت۔ رپورٹ ئِ تہا گشگ بوتگ کہ چیف جسٹس سندھ ہائیکورٹ ئِ لوگئَ چہ ڈن سیکیورٹی ترند کنگ بوتگ۔ دومی نیمگئَ آرمی چیف جنرل راحیل شریف ءَ انٹیلی جنس ادارگ ءُ سیکیورٹی فورس آناں سوبمندیں کاروائی کنگئِ سرئَ مراد بات دتگ۔ گورنر سندھ عشرت العباد ئَ اویس شاہئِ دست کپگ ئِ سرئَ سدکّی ئِ درشانی کتگ ءُ جسٹس سجاد علی شاہ ئَ را فون ئِ سرئَ مراد بات داتگ۔ گورنر سندھ ئَ پاک فوج ئَ را سوبمندیں کاروائی ئِ سرئَ مراد بات پیش کتگ ۔