مالی سال 2026 ءِ تہ ءَ روشن ڈیجیٹل اکائونٹس ءِ چیر دستی ءَ پاکستان ءَ 2.5ارب کلدار ءِ زرّ دیم دیگ بوتگ، رپورٹ

اسلام آباد۔20جولائی  (اے پی پی): گوستگیں مالی سال 2026 ءِ تہ ءَ روشن ڈیجیٹل اکائونٹس ءِ چیر دستی ءَ پاکستان ءَ 2.5 ارب کلدار ءِ زرّ دیم دیگ بوتگ۔ٹاپ لائن ریسرچ رپورٹ ءِ رد ءَ گوستگیں 6 مالی سال آنی تہ ءَ گوستگیں مالی سال ءِ تہ ءَ گیشتریں آمدنی روشن ڈیجیٹل اکائونٹس ءِ چیر دستی ءَ رستگ۔ مالی سال 2021 ءَ روشن ڈیٹلڈ اکاؤنٹس ءِ وسیلگ ءَ پاکستان ءَ یک ارب ءُ نیم کلدار دیم دیگ بوتگ وھدیکہ مالی سال 2022 ءِ ساھت ءَ آر ڈی اے ءِ چیر دستی ءَ 2ارب ءُ نیم کلدار رستگ۔ رپورٹ ءِ رد ءَ مالی سال 2023 ءِ ساھت ءَ آر ڈی اے ءِ چیر دستی ءَ 1.1 ارب کلدار ءِ آمدنی جم کنگ بوتگ کہ مالی سال 2021 ءَ چہ مالی سال 2026 ءِ تہ ءَ آر ڈی اے ءِ چیر دستی ءَ پاکستان ءَ روان دیگ بوتگیں 1.1 ارب کلدار ءِ تہ ءَ کم ترین زرّ بوتگ۔ روشن ڈیجیٹل اکائونٹس  ءِ رد ءَ مالی سال 2025 ءِ تہ ءَ آر ڈی اے ءِ چیر دستی ءَ روان داتگیں زرّ 2.1ارب کلدار ءَ سر بوتگ اَنت۔رپورٹ ءِ رد ءَ گوستگیں مالی سال 2026 ءَ آر ڈی اے ءِ چیر دستی ءَ رسید آنی کساس 2.5ارب کلدار ءَ گیش بوتگ کہ گوستگیں مالی سال آنی تہ ءَ روان داتگیں زرّ ءِ تہ ءَ گیشی بوتگ۔