اسلام آباد۔16جولائی (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ دو روچی ھاسیں تر ءُ تاب ءِ واستہ چین ءِ شہر شنگھائی ءَ شتگ۔ اے تر ءُ تاب پاکستان ءِ واستہ جھان ءِ تک ءَ وت جوڑیشتی ھیل کاری ءِ پڑ ءَ سنگ میل ءِ رنگ ءَ ثابت بوھگ ءَ انت۔ پنچ شمبے ءِ روچ ءَ آئی ٹی ءِ وزارت ءِ جارکش ءِ رد …
انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ دو روچی ھاسیں تر ءُ تاب ءَ شنگھائی ءَ روادگ
گیشتریں ھال
اسلام آباد۔16جولائی (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ دو روچی ھاسیں تر ءُ تاب ءِ واستہ چین ءِ شہر شنگھائی ءَ شتگ۔ اے تر ءُ تاب پاکستان ءِ واستہ جھان ءِ تک ءَ وت جوڑیشتی ھیل کاری ءِ پڑ ءَ سنگ میل ءِ رنگ ءَ ثابت بوھگ ءَ انت۔ پنچ شمبے ءِ روچ ءَ آئی ٹی ءِ وزارت ءِ جارکش ءِ رد ءَ پاکستان ءَ سرکاری رنگ ءَ ورلڈ آرٹیفیشل انٹیلی جنس آرگنائزیشن ءِ تہ ءَ بانی باسک ءِ بستار ءَ ھوار بوتگ۔ وفاقی وزیر شنگھائی ءَ برجم دارگ بوھوکیں ’’2026 ءِ جھان ءِ وت جوڑیشتی ھیل کاری کانفرنس‘‘ ءَ پاکستان ءِ نمائندگی کنت۔ تر ءُ تاب ءِ ساھت ءَ وفاقی وزیر شزہ فاطمہ خواجہ ءَ جتا جتائیں ملک آنی وزیر ءُ گلوبل آئی ٹی لیڈر آنی گوما ھاسیں گند ءُ نند کنت تانکہ وت جوڑیشتی ھیل کاری ءِ پڑ ءَ وت مہ وتی کمک، ٹیکنالوجی ءِ ٹرانسفر ءُ یکجائی منصوبگ آناں دیمروئی دیگ بہ بیت۔ پاکستان ءِ اے تنظیم ءِ بنجاہی باسک ءِ بستار ءَ ہوار بوھگ ءَ چہ ملک ءِ وت جوڑیشتی ھیل کاری ءِ دیمروئی، پالیسی سازی ءُ ٹیکنالوجی ءِ زورگ ءِ ھاتر ءَ جہانی معیار ءِ رد ءَ جزم ءِ درشانی کنگ بیت۔
