اسلام آباد۔14جولائی (اے پی پی): وزارت ءِ درئی کار ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ سارک ءِ سیکرٹری جنرل محمد غلام سرور ءَ گوں گند ءُ نند کت۔ سئے شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ایس محمد اسحاق ڈار ءَ دمگی کمک ءِ دیمروئی …
نائب مزن وزیر ءُ دری کارانی وزیر سینیٹر محمد اسحاق ڈار ءَ سارک ءِ سیکرٹری جنرل محمد غلام سرور ءَ گوں گند ءُ نند
گیشتریں ھال
اسلام آباد۔14جولائی (اے پی پی): وزارت ءِ درئی کار ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ سارک ءِ سیکرٹری جنرل محمد غلام سرور ءَ گوں گند ءُ نند کت۔ سئے شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ایس محمد اسحاق ڈار ءَ دمگی کمک ءِ دیمروئی ءِ واستہ سیکرٹری جنرل ءِ کوشست آناں ساڑات ءُ سارک ءِ عمل ءِ سر ءَ پاکستان ءِ بے مٹیں جزم ءِ یک رندے پدا گوشت۔ آئی ءَ زور پر دات کہ سارک منشور ءِ اصول آنی رژنائی ءَ تنظیم ءَ را دوبر توانائی دیگ وھد ءِ ضلورت اِنت تانکہ دمگی رابطہ، برجائی دیمروئی ءُ جنوبی ایشیا ءِ اُلس ءِ یکجائی وشھالی ءَ را دیم ءَ برگ بہ بیت۔ آئی ءَ دمگ ءِ بے دروریں ڈیموگرافک ءُ اقتصادی توانائی ءِ سر ءَ ھم چمشانک دات۔ سیکرٹری جنرل محمد غلام سرور ءَ سارک ءُ آئی ءِ ادارگ آنی واستہ پاکستان ءِ برجاھیں کمک ءِ توسیپ کت ءُ دمگی ءُ جھان ءِ امن ءِ دیمروئی ءِ واستہ پاکستان ءِ جوڑیشت ءِ واستہ نائب مزن وزیر ءُ درئی کار ءِ وزیر ءِ منت گپت۔ نائب مزن وزیر ءُ وزیر ءِ درئی کار ءَ سیکرٹری جنرل ءِ مدت ءِ سوبمندیں آسر ءِ واستہ ءُ آیوکیں درستیں کوشست آنی واستہ نیکیں واھگ آنی درشان کت۔
