اقوام متحدہ ءِ سیکرٹری جنرل ءِ امیدوار ءَ نائب مزن وزیر ءَ گوں گند ءُ نند کتگ، پاکستان ءِ دمگ ءَ امن ءُ ایمنی ءِ واستہ برجاھیں کوشست آناں ساڑاتگ

اسلام آباد۔14جولائی  (اے پی پی): اقوام متحدہ ءِ سیکرٹری جنرل ءِ امیدوار مشیل باشلیٹ جیریا  ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت ءُ دمگ ءَ امن ءُ ایمنی ءِ واستہ پاکستان ءِ برجاھیں کوشست آناں ساڑات۔ سئے شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ اقوام متحدہ ءِ منشور ءِ مول ءُ مراد ءُ اصول آناں دیمروئی دیگ ءِ واستہ پاکستان ءِ بے مٹیں جزم ءِ یک رند ءَ پدر کت، میاں اوستمانی کانود ءُ میاں اوستمانی منوگری آنی شرپ ءَ بہ کنت۔ آئی ءَ جھان ءِ دیمروئی ءِ ایجنڈا ءَ را دیم ءَ برگ ءِ تہ ءَ اقوام متحدہ ءِ کلیدی کرد ءِ سر ءَ زور پر دیان ءَ گوشت کہ اے ادارگ دیمروئی کنوکیں ملک آنی ضلورت ءُ اولویت آنی رد ءَ کارآمد ءُ رد ءُ بند ءِ رنگ ءَ بہ مان ایت۔ نائب مزن وزیر ءُ وزیر ءِ درئی کار ءَ پائیدار جھان ءِ امن ءِ برجائی ءِ واستہ اقوام متحدہ ءِ سلامتی کونسل ءِ قرارداد آنی سرجمیں ءُ ایمانداریں رنگ ءَ عملدرآمد ءِ وسیلگ ءَ میاں اوستمانی جیڈھ آناں پرامن گیواری ءِ ضلورت ءِ سر ءَ ھم زور پر دات۔ آئی ءَ ھاسیں رنگ ءَ جموں ءُ کشمیر ءِ جیڈھ ءُ فلسطین ءِ جیڈھ ءِ انصاف ءُ برجمیں گیواری ءِ ارزشت ءِ سر ءَ زور پر دات۔ میشل بچلٹ جریا ءَ دمگ ءَ امن ءُ ایمنی ءِ دیمروئی ءِ ھاترا پاکستان ءِ برجاھیں کوشست آنی توسیپ کت ءُ گوستگیں سال آنی تہ ءَ اقوام متحدہ ءِ تہ ءَ پاکستان ءِ ارزشتی ایں ھزمت ءُ برجمیں کرد ءِ توسیپ کت۔